《反黑路人甲2》开拍？ 监制透露大有可能：一定会揾原班人马
撰文： 林迅景
出版：更新：
《反黑路人甲》在深夜时段重播中，虽然是重播但仍引起不少观众讨论。由王浩信、张振朗、冯盈盈、汤怡、高海宁、姜大卫、蒋家旻、赖慰玲、傅嘉莉、朱敏瀚等主演的《反黑路人甲》在2020年8月至9月播出，剧集大收旺场，全剧平均收视28.6点成绩外，更获同年“最佳剧集”奖等9个奖项。趁住《反黑路人甲》重播中，《香港01》就向金牌监制林志华询问会否开拍《反黑路人甲2》，监制林志华就有以下回复。
监制林志华回复《香港01》：“咁好嘅戏一路都有谂拍续集，但系出街之后啲演员都好炙手可热，啲project都要佢哋去帮手，无论台前幕后都系，如果落实嘅就会第一时间通知大家。”
近期王浩信专注在内地发展，张振朗又荣升视帝，各人也各自有其发展，再次“埋班”会否有困难？他就表示，如果再开《反黑路人甲2》一定会揾原班人马。他说：“一定会揾原班人马，另外再揾一啲大家钟意，有卡士嘅人，令套戏更加有新鲜感同唔同嘅元素。唔会唔拍嘅，一定有机会！但系第一套有咁好成绩，我哋想筹备得再好啲先。我谂无论演员去到边度，或者合约状况系点都好，我谂呢套戏真系要开，我谂大家都唔会理任何情况，都一定会帮手。我哋一直都有联络，今次重播大家都好兴奋。”