七师傅孖阮伟伦HOY TV微短剧饰演母子　呻唔够瞓：朝头早六点起身

七师傅（七仙羽）和阮伟伦今日（27日）出席“HOY TV香港首部电视微短剧记者会”，他们表示今次会在短剧中饰演母子的角色，接受访问笑言：“已经唔系两母子啦！拍完之后变两兄妹。”七师傅表示：“喺戏里面做两母子，经常嗲我，乜嘢都唔肯做，我就开咗一个茶餐厅，有啲钱宠惯咗佢，拍个节目嘅时候佢对我好好，成日帮我攞嘢，真系好似一个仔对妈咪咁。”讲到拍戏最难的地方，七师傅回应：“唔够瞓，我哋要喺好短嘅时间赶晒几十场，大家嘅档期都忙，本身系新年期间推出，但我哋拍嘅时候系朝头早六点起身就拍，然后咁样就到第二日。”

讲到七师傅早前提及名人要小心身体，有哪一位艺人今年也需要特别注意身体，她说：“都有几个都出名，讲得咁坦白会令到人哋好惊，大家都要谨慎小心，保养吓个身体提升免疫力，食多啲维他命保重身体，尽量少啲避免去东北方位去旅行，出去人多嘅地方要戴口罩。”