丁子朗行程满档剧接剧咁拍 区珀豪强调其新歌系Lovers：佢好大爱
男团Loong9成员江信熹日前（23日）在香港举办了首个个人音乐会，好兄弟丁子朗、区珀豪及方玉亨做嘉宾撑场，而同为《亚洲超星团》的好友黄星绰及张镐濂亦为座上客，一起为江信熹打气。
丁子朗、区珀豪及方玉亨接受《香港01》访问时，都表示对江信熹在香港有自己的活动感到“好开心”，区珀豪指：“佢生日我哋又返返晒嚟呢个位（香港）度陪佢过生日。”丁子朗补充表示因为大家都分隔不同的地方：“因为本身我哋都已经分隔唔同嘅地方，有机会可以黐埋一齐其实都好开心，咁仲要有个名正言顺嘅一个event，畀我哋聚埋一齐。”
《亚洲超星团》完结后大家都各有各的发展，方玉亨就再次参加选秀比赛，今次他就去了韩国参加《Project 7》这个节目：“因为都想继续追梦咁样，终于去到韩国，即系一路我嘅梦想就系韩国发展啦，咁就终于上到韩国嘅选秀节目。咁就去到最尾都冇赢到，但系其实都真系学到好多嘢。”被问到《亚洲超星团》与韩国选秀有什么分别时，他笑指《超星团》时很辛苦，但比韩国轻松：“韩国佢哋𠮶边嘅训练方式就真系chur好多，同埋规矩又多好多，但系我觉得系一件好事嚟嘅。因为我自己睇返超星啲表演同埋韩国啲表演都真系见到韩国𠮶边，全部无论系唱歌、跳舞、表情全部都真系做到100%咁样就冇遗憾。咁样即系睇返每个舞台都觉得好满意，所以我觉得虽然系辛苦好多，但系有成果。”
区珀豪则指自己去了很多新地方工作，最近就去了河北一个古城：“我前排去咗一个新地方叫做邯郸，佢有3000年嘅历史文化，咁我去𠮶度做一个古装嘅打扮。”他更被丁子朗大爆工作时是C位，而且很受欢迎，有很多粉丝喜欢他，区珀豪即尴尬表示“唔好意思”。
丁子朗就表示自己工作行程排到满档：“最近拍一套戏，跟住嚟紧都会拍一套戏，好精彩嘅人生。”除此之外，丁子朗更勇闯乐坛做歌手，他笑指：“首歌系讲好浪漫嘅邂逅，希望大家听完之后都好sweet。”区珀豪被问到为什么要强调“Sunset Lovers”，是否因为多于一个Lovers时，他即解释：“佢好大爱，好似对我地𠮶啲包容咁样。”
三人被问到会表演什么时，区珀豪笑说：“主题曲！”丁子朗及方玉亨立即流露惊讶的表情说：“吓！真系㗎？你讲真嘅？”至于这样惊讶是否已经把主题曲忘得一干二净时，丁子朗就表示“唔会”：“我跳咗咁多次，我都系刻骨铭心，喺DNA入面，音乐一起就识即刻跳得返出嚟。”而方玉亨被问到会否混淆两首歌，他觉得两首歌的风格都不同自己不会混淆，但被问比较喜欢哪一首时，他就尴尬表示：“我自己就钟意韩国𠮶首好多啲嘅。”