麦玲玲“铁嘴鸡”上身疯狂啄住林盛斌：你额头凿住出轨两个字

由森美主持的《今晚乜都拗》，结局周首个题目，是争议性十足的“精神出轨同肉体出轨边样更难接受”，觉得精神出轨较难接受的有麦玲玲、何泳芍（Honey）及曾展望，至于觉得肉体出轨较难接受的，有林盛斌（阿Bob）、颜米羔及糖妹。

昨晚一集争辩程度激烈，麦玲玲忽然“Mean精”上身、吓吓啄住阿Bob，令阿Bob一度嬲到冲往“敌方阵营”争论。事缘玲玲师傅先是长篇大论定义何为精神出轨：“我哋讲紧会上头嘅精神出轨，例如玩玩吓手机会笑吓好开心嘅，会扰乱生活节奏嘅；肉体出轨其实今时今日喺普遍嘅男性系好简单架啫（边说边向阿Bob手指指）。肉体出轨可以冇爱，精神出轨一定有爱情，最终精神连肉体一齐走埋嘅，所以女人系要两害取其轻。”

说毕即针对阿Bob谓：“好似阿Bob成日都肚饿架，佢肚饿你唔畀佢食嘢咩？佢咪晕咯，系咪吖？”起初阿Bob仍气定神闲回应：“我依家唔出声住，等阵你就知死！”岂料玲玲师傅未有收手，再下一城踩多阿Bob一脚：“所以你额头凿住出轨两个字！”之后又向著阿Bob手指指意有所指谓：“依家啲男人肉体出轨好快冇架喇，差唔多年纪架喇。”此言一出，原本哈哈大笑的阿Bob，即嬲到弹起身冲向玲玲师傅正式宣战：“指够喇！你唔好再指喇！”之后不忘搞笑抛出一句：“我依家即刻出轨！”去到第二回合轮到阿Bob一方发言时，阿Bob即急不及待反击玲玲师傅：“你好担心我有冇肉体上面出轨吖嘛？你担心吓你自己先啦！你成日唔喺香港，又捞嘢又盛，你老公得自己喺屋企咋。”

除了玲玲师傅及阿Bob，昨晚曾展望及近日凭《痞子无间道》成功入屋的Honey都有惊人Bite，认为精神出轨较难的曾展望说：“反正每段关系走到最后，对大家身体都冇乜求知欲架喇。”森美闻言大表赞同：“你讲出咗好多结咗婚好耐男人嘅心态。”至于Honey更大胆表示支持另一半将肉体外判，并以外国新兴概念为例子：“肉体出轨我哋应该学习去接受，其实现代社会大家都同意另一半兼顾太多角色，不如外判番少少出去，外判咗个肉体关系出去。”森美闻言大为兴奋表示：“我好想赞成佢，但我惊我太太睇到。”

朱仔牛顿爱因斯坦傻傻分不清楚

另本集最后四集的议题分别是“做人圆滑比有能力更重要”、“代沟产生嘅冲突，主要责任在于长辈定后辈？”、“拍拖应该拣大叔定小鲜肉”、“伴侣应该揾相似好定系互补好？”今晚一集，支持做人圆滑更重要的，有萧正楠、麦美恩及潘盈慧，支持做人要有能力的，是JW王灏儿、朱敏瀚（朱仔）及周奕玮。全晚最搞笑的绝非朱仔无异，当他打算抛书包以地心吸力理论支持自己一方的论点时，竟然乌龙地将爱因斯坦及牛顿搞乱，令到全场即场陷入一片爆笑！