吴业坤入行15年错失太多机会　曾一朝得志：𠮶时做咩都无视

吴业坤新歌《爱情求生案内书》以爱情中的求生欲为题，老婆浜口爱子( Aiko Hamaguchi )听完后的评价是“唔好斋唱，你要做到”，令坤哥完全感受到对方的不满。“其实会做，但未必做足晒，有少少拖延，又好易被其他嘢分心咗然后就会遗忘。不是佢一般有嘢都会直接反应，呢个悭好多时间估估下。”

坤哥与Aiko一直以日文沟通，但他感觉因默契提升而令日文下降，提到老婆婚后搬到香港定居，单是这一举动足令坤哥包容与迁就程度大大提升。“件事系重要，但一开始唔系好理解有几大，而家会慢慢感受到，佢无好多朋友喺呢度、语言问题、文化差异，慢慢生活先发现‘我自己得唔得呢’，不过佢适应咗，而家搭咩巴士我都会问返佢，又会去街市。如果喺荒岛的话，佢应该会生存得比我长久。” 作为歌手/艺人，坤哥坦言在选角时会剔除“IG性感相较多的女生”，但对于“亲密镜头”一律不会预先报备，怕会影响了发挥。

爱情懂得求生，事业上，入行15年的坤哥自觉还可以。“如果唔系都无机会喺镜头前同大家讲嘢，不过有时都会谂10年前拎完奖，再把握得好啲而唔系走去旅行，而家都会谂点解唔冲，好似所有嘢都理所当然，如果而家喺吴业坤去返10年前可能会好啲，但呢个就系人要成长嘅一件事情。”当时有此举动，坤哥认为是当时太顺利，导致“无视”甚至不懂危机感为何物。“但好快已经事与愿违，错失咗好多⋯⋯又唔系好多，一个机会都已经差好远。”

经历过事业高低起跌，坤哥如今连玩社交平台都小心翼翼，比起以前一日两帖，如今随时一个月都未必有一帖。“好攰，无论系被抽秤或者自我过滤，搞到惊头惊尾，不如唔好出，但呢个唔系求生系避跑。系要克服，但大家讲就系敢言，我讲就系讲错嘢，所以好攰，不如唔好讲。”婚后形象虽有所提升，但坤哥并不想将私事变得太商业化。“佢生日、新年都会PO，呢啲够啦，太高调自己都打冷震。”结婚4年，开始对家庭有概念，但坤哥依旧未有做爸爸的打算。“3年前我系谂住3年后，但而家要再谂谂，而家所有状态系好唔稳定，无论经济或大气候，想睇定啲先，同埋自己仲有好多嘢想试。好多前辈都讲有小朋友后要做自己兴趣系好困难。”

Hair: Ken Yong @ Hair Corner Art Mall

Make up: Kyo Lee, Bingo Chan

场地：BLACKROOM @blackroomhk