TVB 67岁绿叶王离巢原因曝光　TVB加两次人工都留唔住：人生好短

67岁的杜燕歌早前宣布离巢。他在早年任职TVB国语配音组，并曾替梁朝伟、郑伊健、罗嘉良、古天乐、林保怡和陈豪等人的影视作品配音，所以又名“话筒前的影帝”，十分之“架势堂”。早前杜燕歌离巢的决定令人感到可惜，亦令网民怀疑是因TVB待遇差而令他选择离开。

今日（23/02）杜燕歌出席《看我今天怎么说》慈善放映时，他接受《香港01》访问时，就透露了真正原因。他说：“我离开系好想换一个跑道，机场都有第三跑道啦。转个跑道玩吓。人生好短㗎，玩完配音，玩完唱歌，玩完拍戏咪玩吓其他嘢啰。下一个目标系，电影我最钟意，跟住又可以搞啲内地旅游饮食节目。”他亦表示，现时时间多了就可以多些约朋友去郊游接触大自然，他坦言很享受现时生活。

杜燕歌也透露，打算离开TVB之际，其实也曾被人挽留过。他说：“有挽留嘅，同埋公司都对我几好。因为我都冇话要求乜嘢，公司已经加咗我人工。（加几多？）哈哈，呢啲就收埋啦。系我想转一转方式啫，其实我好开心，如果公司需要，有啲好嘅剧种，都可以尝试再合作。冇嘢㗎，又唔系嗌交走。”

可能有网民觉得杜燕歌被刻薄才会离开，他就解释：“我可以证实，公司真系挽留我，仲加咗两次，我冇要求仲主动加两次，系我自己想转方式啫，所以唔好冤枉TVB啦。”