李珊珊认恋爱脑几乎冇停过拍拖　重视承诺：早知自己唔会结婚

李珊珊淡出幕前近20年，早年证实患上惊恐症，同时受甲状腺、湿疹、肠易激等问题困扰，最近终于克服重重困难“复出”幕前，在自己的网上平台《三坐山Mount Trio》做主持。日前李珊珊接受《香港01》专访，可说是无所不谈，坦承过去主要靠卖掉北京的物业生活，并感谢前男友及朋友照顾，直白地说：“我keep住有拍拖，好幸运遇到有担当嘅人，佢哋嘅照顾会帮我分担。而过去3年我系冇拍拖，还好有啲朋友叫做照应，起码呢样嘢，冇穿冇烂到今日。”

未遇到有涟漪嘅人

李珊珊自认是恋爱脑，中学的puppy love曾与女生谈恋爱，与钱嘉乐分手后，又与芬兰车神及前世界足球先生相继传出绯闻，桃花极旺。而过去收埋自己的日子里，珊珊直认没有停过拍拖，她说：“呢3年冇拍拖，以前真系接住嘅，接住咁样去，呢啲都系感觉嚟，又会收埋自己咁啰。你会发现男女之间都系起承转合，唔系三年就两年，有时懵懵懂懂就拉长啲，其实都系不外如事，或者未碰到令我有涟漪嘅人，如果再重复之前𠮶类型，其实有咁嘅需要吗？我会问一问自己，好似冇咁嘅需要，依家都会识得分咩叫爱、有好感、有担当。”

听罢感觉好似好随便，但珊珊却自认是“传统底”，她解释：“我好早知道自己唔会结婚，我个表好open，但个底都系传统嘅，我好重视承诺，因为我知我做唔到，我惊，咁就唔好随便做承诺。或者我未参悟到人生，尤其系情爱呢啲嘢。我唔能够....唔系唔能够，系我确保唔到，就唔可以耽误人。”

罕谈旧爱钱嘉乐

李珊珊和钱嘉乐曾经有过一段轰烈的爱情，有传闻钱嘉乐于菲律宾在朋友起哄下当众向李珊珊求婚，李珊珊表现得模棱两可，拖拖拉拉最终分手结束9年情。钱嘉乐在2012年娶了汤盈盈，育有2个女儿，组幸福家庭。

曾经有段时间，在珊珊口中，不会出现钱嘉乐这个名字。访问中珊珊亦有大方回应：“其实每当我有恋情时，就好似讲到我玩晒成个地球所有男人咁，当大家唔知我同紧边个一齐时，又或者以为我冇恋情时，就觉得我剩返一个男人，龙门任摆嘅，冇所谓，小事一宗。我唔系刻意要澄清啲乜嘢，但有时睇到评论笑咗出嚟，又唔系瞓我床下底，知我发生咩事咩？点解你哋好似喺现场咁呢𠮶日，跟本大家玩嘢，绝对唔系𠮶回事，不过唔解释咁多，人哋幸福就得，望人发达我开心，望人幸福我都好开心。”