“有线美女主持”品尝要价20几万顶级红酒　黄子华都有一支

乐翊榆为HOY TV主持，主持过旅游、饮食和玄学节目。早前2月14日在IG分享饮红酒的照片，原来这一支红酒大有来头，为红酒界的顶级红酒，每支价值20多万以上的Romanee-Conti（罗曼尼康帝）。乐翊榆接受《香港01》访问时，坦言有朋友得知她是红酒爱好者，兼有葡萄酒及烈酒 WSET Level 2 资格，所以就在情人节当天邀请她一齐品酒。

她表示，自己曾试过不同年份的罗曼尼康帝，而这一次饮的就是2010年。被问到这一支红酒的价格，她坦言：“品酒家Robert Parker Jr.讲过：‘Romanee-Conti 系富翁之酒，但就只有亿万富翁先喝得到。’咁我梗系唔系亿万富翁啦，呢一支价钱大概20几万，我知一啲比较好嘅年份，甚至去到30几万一支。”

她续说：“呢支真系唔少葡萄酒收藏家心目中嘅最爱，好多人都DM问我边度买到。所以就算我舍得买，都唔会舍得饮！我自己买未必会饮咁贵，就算买都未必舍得饮。我朋友都话：‘我同佢买不如一齐饮！’讲真又系㖞，酒如果买嚟唔饮就失去咗佢原有嘅存在价值。”其实好多$1,000以下红酒都非常好饮！如果要讲呢支酒有咩特别，呢支葡萄酒已经有几百年历史。完全由Pinot Noir（黑皮诺葡萄）酿成，可以充分表达到呢一个Burgundy（勃艮第）区𥚃最优质葡萄园嘅土壤特质，佢自成一家嘅独特风格，以good balance (良好嘅平衡)同优雅见称，特别罕有矜贵。”

她又解释说：“如果要我比较年份嘅话，因为我未有机会饮晒咁多年嘅罗曼尼·康帝，所以好难讲。今次饮嘅系2010年，对比起2011年份，我相信熟悉红酒嘅朋友都一定会拣2010年。因为呢个年份嘅罗曼尼康帝系真系特别地好，颜色比2011年深色，系深红宝石色。闻嘅时候有浓郁嘅黑水果，香料同埋花香味比较丰富。品尝嘅的时候，丹宁比较柔和，有啲黑樱桃味李子味，还有些土味，味道平衡又口感顺滑。余韵比较长同埋优雅。”
黄子华都收过由杨受成博士赠送的罗曼尼康帝红酒。破地狱｜杨受成赠许冠文绝版名表　禁绝戴平表︰唔好话识杨生 周星驰御笔亲批模仿短片　叹陈年红酒成网民焦点：又饮我几个月粮