“行走的CD”开骚唱饮歌激罕走晒音　公开终极难听版本歌迷竟大赞

陈柏宇（Jason）日前举行《陈柏宇 LIFE IS LIVE 演唱会 2025》，不过他因为身体抱恙，致令声带肿胀唱不到假音，唱首本名曲《你瞒我瞒》期间有递咪畀观众帮手唱，有网民坦言，想不到连有“隐世歌手”之称的他都会“炒车”，称他“回塘”。

不过其实他唱真音都维持到一贯水准，尾场时状态亦已回复，他说：“㖊日（头场）处于一个非常低沉嘅状态，今日好返好多。㖊日嚟过嘅朋友你哋欣赏到前所未有嘅《你瞒我瞒》嘅版本，今晚，我哋再挑战多次，如果唔得，我哋以后都唔会再唱，过去咗喇，呢个以前嘅风光。”态度豁达，不过最后他靓声再现，表现风骚。

对于头场被嘲难听，陈柏宇看得很开，更幽自己一默，在社交平台发文说：“今晚10pm前够2000 Like，就俾你哋听前所未有难得（听）版你瞒我瞒 。”结果火速达标，七千几人赞好，粉丝都笑他：“会唔会睇少自己？”、“想Po就直接Po啦，2000根本无难度🤣🤣🤣”而陈柏宇履行承诺做找数真汉子，贴出彩排时的“前所未有难听”版本，的确大走音，唱到中间陈柏宇更叫救命，不过粉丝就非常开心，并欣赏他言出必行。

他们相当搞笑，贴出陈柏宇曾代言喉糖的广告，又表示：“我终于可以同人讲我唱歌可以唱到好似陈柏宇咁 ”、“身为一个歌手，你竟然愿意再放呢啲黑历史出嚟，其实真系好佩服，你真系做紧自己，呢个都系我钟意咗你差唔多20年嘅原因”、“呢个TAKE有可能多人听过THE FIRST TAKE😅 ”、“我想拎嚟做铃声”