洪嘉豪小路出大路唔让车？ 保安截停大路校巴急刹险酿车祸
撰文： 金秀玲
出版：更新：
洪嘉豪昨晚（19日）去到中文大学担任联唱决赛嘉宾，唱出《半天空档》及《还原泪》，令一众大学生High爆！不过他驾车离场时就发生一段小插曲，并激到中大校巴司机爆粗闹人。
有中大学生在网上发布片段，他说：“啱啱联唱散场，（疑似）洪嘉豪架车跟保安指示直接小路出大路唔让，搞到校巴要急刹🫨真系差啲撞”。片主当时身处校巴内，镜头影住疑是洪嘉豪的座驾扬长而去，司机向车外的保安破口大骂：“X你老X喺度截！小路出大路呀！截我！你冇嘢呀？小路出大路，咁危险，我架车。”保安想息事宁人，一边驱赶追完车的学生行上行人路，一边回应：“得啦，你投诉我啦好冇？唔系，佢有事嘅。”司机不服气回答：“我都有事呀争啲！”保安再回答：“得喇得喇得喇。”而司机就念念有词细声讲粗口再闹，影片就此作结。
片段在社交平台引起热议，有粉丝确认这是洪嘉豪的座驾，而片段似乎想表达洪嘉豪不让大路的校巴行先，Tag洪嘉豪回应，称：“洪嘉豪上咗位之后变第二个人了😭”、“1823咗先啦”。由于日前网红刘马车表示自己将会到所有洪嘉豪的活动踩场，有人笑言：“怀疑保安俾刘马车收买咗要搞洪嘉豪”。
不过，其实大部份人都认为错不在洪嘉豪，因为有网民贴出另一个角度的短片，清晰见到是保安挡在路口，截停校巴，示意洪嘉豪的座驾行先，网民因此替洪嘉豪抱不平，认为他只是听从保安指示而已，并无做错，不宜凭校巴车内片段断章取义。网民说：“根本就系出去大路之前已经停咗 谂住让比大巴先 系个保安冲（冲）出嚟叫佢行先。”、“其实保安停咗校巴，kaho架车都停咗，保安示意kaho先开车，仲打死火灯表示thank you！”、“唔关黑玻璃事 呢啲私家路都系听保安指挥多 出面马路就唔同讲法”