王晶接受爱女访问亲揭做幕后原因　再选一次竟然会拣做呢个职业

王晶曾监制和执导过不少喜剧片，包括：《精装追女仔》系列、《赌侠》系列、《整蛊专家》、《逃学威龙》、《鹿鼎记》、《九品芝麻官之白面包青天》、《赌侠大战拉斯维加斯》及《千王之王2000》等多不胜数，可谓套套经典，是香港著名喜剧导演。不过早前他接受爱女王海榛的节目访问时，被问到“如果畀你重新拣一次你嘅职业，你会拣咩？”答案却令全场捧腹大笑，究竟是什么呢？

王晶爱女王海榛离开无线后，积极经营其社交平台，作为爸爸的王晶当然要撑场为女儿撑流量。在最后一集的“我和爸爸的10问10答”中，王海榛问爸爸：“如果畀你重新拣一次你嘅职业，你会拣咩？”王晶直接回答：“演员！”引起全场包括王海榛在内捧腹大笑。

王海榛追问爸爸：“点解会拣演员？”王晶解释：“其实我一路都想做演员㗎，不过后尾发觉自己唔会做得好好，所以先至做幕后。如果再拣一次可能都会试下，渣渣地都试下、都做呀，或者得呢。”王海榛续言见爸爸在很多电影中也有客串，甚至乎主演，都觉得很好看、很好笑。王晶则表示：“但如果畀我嚟多次，可能又会好啲呢。”

原来除了做监制、导演外，王晶心底处却有著一个演员梦，以往也曾在其不少作品中客串一角，当中要数最经典的一定包括《千王之王2000》中的“肥螳螂”，至今仍令人难忘。不过王晶也因为拍这套电影而与曾合作无间的周星驰关系正式决裂，直指对方态度不合作，不肯交戏畀张家辉。王晶表示99年尾他筹备《千王之王2000》，张家辉亦成为当时的喜剧新星，“因为我拍《赌侠1999》同《黑马王子》，同埋《赌侠大战拉斯维加斯》，捧红咗张家辉做喜剧，当时张家辉好好笑，我心谂如果揾周星驰同张家辉合演一部，应该咪好好笑？我就去同佢倾，不如你同佢拍套戏，唔使好多日，我有张家辉，叫埋吴君如嚟，你可以拍几多日吖，佢话七日，我话咁七日啦，我就写七日戏俾佢，佢话‘呢排等钱使，咁我拍啦。’点知一拍，佢非常唔合作，演员之间系讲交流嘅，我做一啲戏出嚟，你就打返个波畀我，咁我先回得畀你，所有张家辉做啲嘢佢都唔打返个波畀佢，各有各做。你话张家辉有咩瘾？越做越冇瘾！之后有日我唔得闲，叫咗刘伟强嚟帮我替一日，𠮶日直头唔合作到想打架，𠮶部戏真真正正令我哋产生咗裂痕，由朋友变咗唔系朋友，因为我忍受唔到佢呢种态度。”

王晶更自爆自己特地设陷阱，做了一件以他性格从不会做的事，虽然当初给1千万叫星爷拍七日戏，但其实写剧本时已偷偷决定好七日要拍完对方所有戏份，第七日虽然有叫星爷到场，但该幕戏只是可有可无，“朝头早佢嚟咗，大家排吓戏，佢依旧咁唔合作，咁唔开心，我卒之就……我拍戏未试过咁样爆发，我话周生，我哋都算好朋友，你点解要咁呢？嗱，我话畀你听我已经拍晒，六日我就拍晒你啲戏，今日呢场唔要唔紧要，你唔钟意做唔紧要，你而家即刻同我走，我唔使你拍！以后都唔好合作！”王晶说，自己都猜不到会说得出这番话，但没有心伤和后悔，因为觉得当时不说，以后都不会说。