五索首度开名大爆马先生孤寒行为极不满　情人节收花竟闹：死人咩

现年34岁的网红“五索”钟睿心（Rachel）与身家以百亿计的66岁大生银行主席马清铿爆出婚外情，两人拍拖九年，育有4名子女，有指五索获男友送赠9000万的麦当劳道豪宅，她亦经常炫富，高调大晒豪宅内景、名牌手袋及靓车等等。虽然五索早前接受网台节目《丝打围炉》访问时承认婚外情事件爆出后，令男方有微言，更指“佢嬲爆”，但今个情人节，五索就晒出收花、收蛋糕的照片，力证与男方感情依然稳定。可是五索却拍片指马先生虽然一如以往送花，但就大“缩水”。

五索在社交网拍片时常以“富商A”来称呼马清铿，今个情人节她就拍片开名大爆“马先生”的悭钱行为，她表示：“话说情人节，咁马先生每年都会送花俾我，然后我每年都叫佢唔好再送玫瑰花，但每年呢，佢都一定会订99支玫瑰嘅，仲喺同一个网站度订；但系今次我早收到扎花，喺2月13日已经收到，我第一时间谂，我知道发生咩事，因为2月13号送，应该会比较平，正日送一定贵啲㗎嘛！”她身旁揸车的裕美即笑言：“咁唔怪得阿作（林作) 13号同我去食饭。”五索便指马先生与林作是同一类人。

五索又投诉表示：“咁都算啦，你早一日送我当你揿错咗，之后佢今年仲要无啦啦减量，由99支变咗60支，都算啦，中间系有一扎白玫瑰，大佬而家死人咩？你送白玫瑰做乜嘢呀？咁我就觉得‘哗！你真系浪漫’，可能佢送到最后尾会逐步减啰，减到剩返一朵玫瑰花。”不过五索在短片下就写道：“直男的浪漫，都好过唔送。”