刘马车预告去洪嘉豪活动踩场　怒轰粉丝歧视：冇白卡联盟佢冇今日

曾犯下风化及袭击罪的网络红人刘马车上月第N次出狱，随即又在网上重新活跃起来。他近日就在网上拍片向洪嘉豪粉丝挑机，称不满遭到歧视，预告会经常出席洪嘉豪活动，表示：“嘉豪都钟意我㗎，唔同你讲咋嘛！”又呼吁大家以礼相待，否则他的另一个恶魔人格会现身，更指洪嘉豪粉丝“院友”不是真院友，而自己有精神病才是真院友。

日前华纳举行《WARNER! GO! 音乐会》，刘马车表示自己都有去捧场，但遭到歧视、当他怪物，使他非常不满，怒轰洪嘉豪的Fans“院友”，他说：“我乖乖哋嚟听呢个华纳演唱会，你哋呢班垃圾，你哋以为自己系乜嘢？讲紧你哋𠮶班粉丝，洪嘉豪𠮶班垃圾粉丝，死臭X，食屎狗！我眼尾都唔睄你哋，见到我，同佢讲声‘嘉豪加油’，成班好似当我搞事！”

自从去年有自称“白卡联盟”成员一边揈衫唱《黑玻璃》后，很多人唱这首歌都会自发加入揈衫、揈毛巾动作，虽然这首歌爆红时刘马车仍未“出册”，但他自称是“白卡联盟”捧红《黑玻璃》，而自己是白金卡白卡会员，他说：“我见到嘉豪我咪同佢唱《黑玻璃》啰，点解？因为呢首《黑玻璃》系我哋白卡联盟搞红㗎！冇我哋白卡联盟帮佢做宣传，佢今时今日得咩？你哋反转猪肚唔认人呀？就系屎呀？过桥抽板呀？”刘马车又表示：“嘉豪都识我啦！嘉豪都钟意我㗎，唔同你讲咋嘛！都唔谂吓今时今日有咁嘅热度，所谓嘅成就系边个带挈佢，你问吓嘉豪自己啦！”

刘马车又称自己很喜爱Moon Tang（邓凯文），但被对方的Fans欺骗，声东击西叫他去另一个位等Moon Tang，他等了成个钟而扑空，他说自己只想做个乖乖、默默支持的粉丝，影张合照，讲声加油，却被冤枉成搞事、搞破坏，不给他重新改过的机会，刘马车反问：“我刘马车有咩背景、过去，唔关你哋事，啲人成日攻击我话强奸犯、风化犯，衰过咩……我而家X咗你哋老母咩？X咗你哋家姐、阿妹咩？我做过嘅衰嘢，我找咗数，我就重新做人，而家就系一个普通人，我希望追求自己钟意嘅歌手，支持自己钟意嘅歌手啫，唔关你哋事，你钟意追咩歌手你嘅事，唔好喺隔篱话呢个刘马车喺度搞事，搞你老X。”

他认为不尊重他的人要好自为之，预告之后会去洪嘉豪活动踩场：“嚟紧有任何洪嘉豪嘅活动，我尽量得闲我都会出席㗎，你哋唔想见到我，就偏偏要嚟！”他坦言其实只识《黑玻璃》一首歌，但就真心喜爱Moon Tang，不想她不开心，所以不会去Moon Tang的活动，“我唔会喺任何Moon Tang活动有一个任何出格嘅行为，会静静做一个安静嘅小粉丝，唔好再讲我是非！”他要求对方的粉丝别再说他是非，别再侵犯、诋毁他，否则“恶魔嘅人格就会出嚟”，反问：“点解你哋系咁要搞马车呀？”

刘马车再向洪嘉豪粉丝喊话，斥他们利用完白卡联盟流量，令《黑玻璃》爆红就想撇清关系，他用普通话说：“没那么容易！”更预告：“我会多啲出嚟㗎！嘉豪，你会成日见到我㗎嘉豪，知唔知呀？嘉豪，马车都钟意你㗎！”

他静默一会，再问大家是否觉得他好恐怖，斥是被粉丝逼成这样，他又说：“令一个人妖魔化，既然你哋要呢只怪物出嚟，我感觉到大师兄返紧嚟，天水围堕天地狱兽善良的恶魔，而家有个新身份！我亦都系院友，但系我系真系有精神病嘅院友，唔系好似你哋啲假病嘅院友，我真系有精神病，我有双重人格，或者多重人格分裂。唔好激发恶魔人格出嚟，只要你哋善良对我、友善对我，马车天使正常𠮶一面一直就会喺度。”之后他突然哼出“登登登”的音乐数次，称若遭不礼对待就会“进化”，他宣布：“善良的恶魔就会出嚟！佢要保护马车！保护马车仔！你呢班死贱种食屎狗不断攻击伤害马车，好好玩呀？好过瘾呀？”