朱慧敏临盆在即继续做家务1岁囡囡学到足　医生老公体贴陪产检

43岁的前港姐亚军朱慧敏（Queenie），2021年嫁心脏科专科医生陈良贵，前年诞下可爱囡囡Shera（乳名：娃娃），去年平安夜又宣布怀上二胎，预产期是下个月（3月）。临盆在即的朱慧敏昨日（16日）在社交平台分享一条短片，见朱慧敏老公抱著14个月大的B女一起陪朱慧敏做产检，囡囡轻抚妈妈孕肚，画面温馨有爱！

朱慧敏教导囡囡Baby在肚里面，囡囡即醒目地摸住妈妈个肚，牙牙学语讲：“yeah yeah（BB）”朱慧敏暂未有透露BB性别，在照超声波期间，医生指BB好健康：“脚长啲，系长baby，出嚟BB应该有5磅，现在34周2.2公斤好合理，见佢郁就好安全。”朱慧敏听到医生意见后笑逐颜开，笑说：“娃娃嚟睇佢即拎转面俾你睇，佢哋听得明架真系，上次都系一话娃娃喺度，佢就转身俾佢睇嘞。”

由于家中没有聘用佣人，腹大便便的朱慧敏平日除了照顾囡囡之外，还会做家务及煮饭，而囡囡亦会好乖巧帮手。日前朱慧敏分享另一段片，见囡囡Shera帮忙将衣物篮推到厨房门口，又懂得用纸巾抹地，朱慧敏兴奋揽实Shera说：“唔该晒你啊！多谢你啊！最佳拍档，唔该晒！”Shera开心得笑到见牙唔见眼，朱慧敏更锡钖女儿，并说：“我好多谢娃娃，你睇，佢只得14个月大，佢又抹地，又帮我攞衫去洗，我好多谢肚里面嘅BB啦！因为我觉得佢好强壮，我日日都咁样郁，又煮饭……”。

Shera除了做家务叻外，朱慧敏又问她的头部、头发及脚在哪里，Shera都一一答对，网民纷纷留言大赞Shera叻女：“SheRa好聪明呀”、“果然有你们优良遗传”、“真叻叻，手脚协调得好好”、“点解可以咁乖㗎？”、“超级叻女 身教的表现 教育极好”。