姜涛拍新歌MV跳足18个钟　导演直言好感动：咁攰都尽100%嘅力去跳

男团MIRROR超人气成员姜涛昨日（19/3）推出第七首个人作品《Master Class》，MV推出未够一日观看次数已经超过15万。网民大赞姜涛靓仔外，亦尝试拆解MV背后的意思，《香港01》就找来导演Travis Good何图亲自为乐迷解开MV隐藏的密码。

Travis Good说整个MV的概念象征修炼过程，遇到任何困难都要坚持信念：“MV概念系一个修炼过程，意思系即使几困难都好，都要坚持自己所相信，改变自己，令自己变得更强，再去改变世界。”

MV中出现的沙地、电话亭、激光以至最后的熊熊烈火都有不同意思，他解释：“沙地代表外界嘅负面批评、攻击，电话亭代表想逃避，因为人面对负面攻击好多时都想逃避离开。激光代表面对，明白逃避系解决唔到问题，真正嘅成长系面对问题再解决。火系代表修炼同打破，修炼自己直到变得强大，再用能力去改变，用行动、用作品去证明畀人睇！烧个‘我’字代表修炼成功，一个全新嘅自己，更强嘅自己。”

点撃拆解MV隐藏密码：

Travis Good在IG限时动态上载MV最后一幕，就是姜涛站在熊熊烈火前跳舞，并写着：“Ending shot真系拍得好靓，希望大家可以用心去感受。本身地下系干地，但因为现场所有人感动到喊，整湿晒块地。”他笑言喊只是说笑，不过却被姜涛的坚持和毅力所打动：“喊系讲笑，但真系感动，因为烧个‘我’字系拍摄当日最后一个镜头。我哋已经拍咗18个钟，大家都好攰，特别系姜涛，佢跳足全日。但因为依个Shot系真火，30秒一Take落，所以佢一定要表现得好有力，系咁攰咁辛苦嘅情况下，佢都尽100%嘅力去跳，而且要夹最后果下火，所以任何一个人出现问题都会影响左个Shot，张纸烧咗就冇。”

他续指姜涛的演出完全符合MV意思：“感动个位系姜涛嘅表现完全配合到MV嘅意思，几攰几辛苦都要坚持做到最好！而且只舞加个火，现场睇真系好震撼，好明白大家背后付出嘅努力。”至于为何会促成今次的合作，Travis Good说要留待姜涛解答：“你要问返姜涛，系佢同花姐揾我。”