吴若希“你问我答”回应网民提问 大数老公缺点自爆志愿系做社工
撰文： 陈芷颖
出版：更新：
吴若希（Jinny）早前进军YouTube界拍片大放笑弹，昨日（17/3）她就上载名为“Q&A你问我答”的影片解答网民不同的提问。Jinny重提入行经过、面对负评时的心态，更大数老公何兆鸿的缺点兼直认日日都想离婚。
Jinny指当初完全没有想过做歌手，以前的志愿是成为一名社工：“我以前系纯粹钟意唱歌，志愿系想做社工，一睇就知我系社工样，咁正能样、咁和蔼可亲嘅圆脸。偶然情况下就入咗行，音乐监制伍乐城系我嘅伯乐，第一次试音、第一首歌都系佢帮我录，好记得佢嘅教诲。”
出道至今面对种种负评以及人身攻击，Jinny笑言如果不会令自己财富减少就一于少理：“谂下会唔会令我少咗忽肉、会唔会令我少咗钱。如果唔会就由佢，So far钱冇少到、肉又冇少到，佢唔钟意我，我都可以唔钟意佢，咁我咪唔钟意佢。”
有网民问到“何生的三个缺点”，Jinny立即深呼吸压着怒火说：“唔同我倾偈、批我肘，唔俾我磨脚脚，唔磨脚脚真系瞓唔到，讲咗十次。”再有人问Jinny是否曾打算与老公离婚，她就直认不讳：“有，绝对有，日日都谂，揿住我嘅怒火。”
婚后育有一仔一女的Jinny坦言没有想过这么年轻就做妈妈：“我成日以为30几岁先结婚，但估唔到25岁就生BB，28岁生第二件，系人生冇Plan过嘅，但好开心，有小朋友之后人生好似满足晒。”
+5
同场加映
点撃睇Jinny搞笑反应：
+25