76岁雪妮两耳佩戴助听器　丈夫日日陪实：背住同我讲完全听唔到

76岁雪妮去年初与TVB完约后未有再续，11月出席《踩过界II》宣传时喺台上宣布正式退休。佢同老公唐佳出名系恩爱夫妻，以前已经成日陪老婆开工，雪妮姐退休后更加系形影不离，原来因为雪妮姐听力有问题怕佢出意外。呢日雪妮接受郑丹瑞访问，笑言老公会喺旁边话：“唔好意思我老婆佢聋㗎 !”

正式退休后，雪妮姐话生活比较悠闲无咁紧张，提到自己双耳听力弱，原来系遗传问题：“未入公司之前已经有问题，大约廿几年前，198几年，有次听电话左耳听唔清楚，搞搞下就完全听唔到，完全无迹象无晕无其他问题。之后睇医生就发现我系属于遗传性中耳耳骨硬化。”

听力有问题无阻雪妮姐拍下一套又一套好作品，佢话依家自己两边耳仔都有戴助听器：“因为我唔系完全失聪，戴咗耳机正面同我讲嘢系OK，但如果背住同我讲就完全听唔到，所以先生日日都会陪住我。我做过手术一边成功一边唔得，但成功𠮶边十几年后都唔OK，所以依家2边都戴助听器。”