张致恒遭贴街招追数疑着草 老婆雯雯IG千字文闹爆债主Naomi
撰文： 邱爱霖
出版：更新：
艺人张致恒（Steven）早前遭𡃁模冯镓潆（Naomi）公开追债，上月24日更被爆出居住的元朗村屋外遭人贴街招追数，才揭发张致恒一家已搬离上址，疑似着草避债，电话亦无法接通，与外界完全断绝联络。
今日（14/3）Steven老婆区燕雯（雯雯）突然在Instagram发千字文，道出事件另一版本。首先雯雯感谢Naomi愿意借出两万元，并为迟还钱致歉。之后开始澄清外界传闻，指未有消失“走数”，更自爆向财务公司借钱，旨在为还钱给Naomi。
“我哋去到绝路已经去咗借财务，去还一半钱畀你先，好抱歉我哋冇能力一次过还清2万蚊畀你，我哋亦已经承受紧我哋要承受嘅，畀财务贴街招甚至追上门。但系我依家喺呢度答应你，我一定会用尽我嘅能力两个月内还埋呢1万蚊畀你。”
她续称，Naomi为追债而骚扰其家人，更以家人作威胁，“我嘅家人系无辜嘅，你要嬲要追我哋还钱可以嚟揾我哋一家四口，但系点解叫我哋还钱嘅时候，要用我屋企人嚟威胁我哋去还钱畀你，点解要讲到揾人去骚扰我嘅妈妈拎返属于你嘅钱。”又指自己并非如外界所传般富贵，连玩具都是亲戚送赠。
另外她又为老公Steven洗白，指他是好爸爸亦已努力工作，一有收入已立即还钱，最后承诺未来会陆续还清所有债务，绝不会借钱不还。
至于Naomi一方就否认曾骚扰对方家人：“唔好觉得人哋去追债就系逼你，你唔借钱就唔会有人追你，你本身唔系使大咗，就唔需要问人借钱。”又指自己收了一半还款后已没有再追债。
同场加映：东张西望 | 冯盈盈江嘉敏火药味浓 疑互相揶揄要求高兼行为不当
+20
再看靓相：
+1