江嘉敏被爆揾生果店著数　想长期合作：我可以post多啲IG story

撰文： 邝钰莹
出版：更新：
江嘉敏被爆向生果店𢯎著数，结果遭对方落闸。(IG图片)

曾被爆料要男性友人送100份手信嘅江嘉敏，近日被爆透过IG向生果店查询可有黑刺榴梿出售时，生果店表示可额外订购，但连价钱都未讲到时，江嘉敏就话：“之前我喺第二间买，个老板好搞笑，我谂住畀钱𠮶阵，佢话请我食，我帮佢post咗IG。”

事缘江嘉敏本身想订黑刺榴梿,但该店没有出售，故向她提议订购其他水果后，可额为她订榴梿，但生果店价钱都未讲，江嘉敏已提出“出IG po”暗示要免单。(IG图片)

生果店职员其后推荐不同生果后，提到“我都未必收你钱架㖞”，江嘉敏即时食住上，除表示“我除咗酸嘅唔食，全部都食”之外，又话想翌日就收货，原来系要用作做访问，“如果你哋请我食，就你哋话事啦，帮我砌靓啲，比我影相靓靓呀”。

江嘉敏曾被fans力数钟意攞着数。(snoopthony@ig图片)

可能系因为太喜欢食水果嘅关系，江嘉敏其后索性向水果店提出可长期合作，仲话可以出多啲IG story，生果店虽然曾有“免单”，但有人见好唔识收，搞到生果店怕怕，唔再覆江嘉敏。而江嘉敏见对方冇应机后，以担心对方出事为由，又话“希望一齐安好”，结果获生果店请食大柠檬：“公司考虑过多个因素，可能你所在的公司形象导致我们唔系好适合长期合作。”对于贪生果一事，江嘉敏接受访问时，只系提到自己有朋友开生果店，仲话对方不时给她折扣优惠或免费请她。