罗冠兰曾十分抗拒拍剧　为赚学费而屈服：最难适应系NG

64岁嘅罗冠兰入行30多年，参与及演出超过一百部舞台剧，在无线剧集《烈火雄心》、《刑事侦缉档案III》、《牛下女高音》的演出亦令观众留下深刻印象。不过，罗冠兰喺接受马浚伟《缘来自咖啡 2》访问时，透露原来曾经非常唔钟意拍剧同电影：“因为唔钟意cut开去拍，舞台剧演出嘅三个小时系你人生，电影、电视剧对我嚟讲太短，情绪刚到就cut，然后下一场又九唔搭八、又要重新处理情绪，所以我系享受舞台剧。”罗冠兰表示之所以会拍剧，系因为觉得过往太封闭。“初初系好唔适应，原来佢哋会NG架？同埋都未过戏瘾就CUT，呢啲都系要适应，同埋好在赚到学费，可以去英国读书，放假就返嚟拍嘢。”

节目中，马浚伟表示在第一次做舞台剧时，找来罗冠兰做艺术顾问，对方当时指出不少演出上的问题，令他十分佩服。不过，马浚伟问罗冠兰如此追求完美的性格，会否令身边人感到压力时，罗冠兰苦笑说：“所以咪咁啰，哈哈！其实我有惊，有好多人唔钟意同埋系得罪过好多人，有时我都会斟酌一下好唔好去到咁尽，但我真系希望你舞台剧完美，所以唔理啦。讲完你又无嬲，咪愈讲愈大胆。”