谭玉瑛忆拍儿童节目往事 揭周星驰转数快：冇见过佢打细路！
撰文： 邱爱霖
出版：更新：
无线（TVB）儿童节目元老级代表谭玉瑛早前接受张宝华网上节目访问，讲起由1982年开始做节目《430穿梭机》，当时与多位巨星如周星驰、梁朝伟，以及曾华倩和蓝洁瑛等合作，大赞当时个个都靓仔靓女。
谈起旧同事，谭玉瑛坦言从未羡慕过周星驰及梁朝伟等巨星名成利就，“根本谂都冇谂，做呢行就会明白，你就系你，同样你做佢嘅嘢，你都未必有佢嘅成就，因为你唔系佢，见佢成就咁大，曾经做过同事都会开心，我自己都好好，从来唔需要羡慕人”。
她回想当年事，忆述当年周星驰和梁朝伟都不喜欢讲八卦，反而张国强比较健谈，偶尔谭玉瑛和曾华倩会闲聊一下，“譬如Margie（曾华倩）嬲咗Tony（梁朝伟），去到化妆间就会知佢哋嬲咗对方、唔睬对方，Margie当时会讲吓‘㖊日发生咩咩咩’之类，呢啲女仔就会讲吓”，又爆曾华倩性格比较刁蛮任性。
当张宝华问到周星驰是否喜欢整蛊细路，谭玉瑛则说：“佢𠮶种整蛊系因为冇当你系细路，冇刻意呵护，钟意就睬吓你，如果佢觉得你讲嘢冇意思，藐吓你就行咗去，有人见佢打细路，我就冇见过。”
张宝华笑言自己小学六年级时，有次到北潭涌渡假营见到谭玉瑛和周星驰前来拍摄，周星驰大赞小朋友堆中的张宝华靓女，令张宝华之后一直被赞标致。
谭玉瑛称赞星爷转数快，拍节目时如拍档无法接话时便会“哼”一声，似乎是藐视别人。她直言星爷当时视小朋友是工作伙伴，却沉默寡言，“由朝早8点对到夜晚7点，大家都想快啲返屋企”。
+55