圣荷西谋杀案︱田蕊妮再演舞台剧仍紧张 未计划离港发展：好奢侈
田蕊妮自从去年宣布不与无线续约后于4月正式离巢，事隔近一年终于有新作品，在下月一连13场公演的《圣荷西谋杀案》舞台剧中担任女主角“Ling”。今日（8日）田蕊妮与潘灿良等一众演员出席《圣荷西谋杀案》舞台剧记者会，透露自己本来打算离开电视圈后出国学演戏，但无奈因疫情关系无法实践，于是在机缘巧合之下获编剧庄梅岩、导演甄咏蓓和监制朱仲铭的赏识挑战演舞台剧，为改变踏出一大步。
田蕊妮演出舞台剧的经验不多，仅于2005年与黄凯芹演出过《白蛇．青蛇》，之后都是以拍剧居多，所以事隔16年再踏上舞台令阿田感到非常紧张，由于自己刚刚出道一样：“系呀！会㗎！企喺台上面唔系一件容易嘅事，无论系做任何一样嘢，台下面有咁多对眼望住你嘅时候其实正常人都会惊嘅！但我相信我而家系一个成熟嘅演员，同埋都会冇咁惊，无论拍戏定系企喺个台，作为演员都要有自信先可以驾驭得到，而我都系有嘅！”
《圣荷西谋杀案》这套舞台剧于2009年首次公演后大获好评兼多次在香港和海外进行公演，去年更被改编成同名电影，如今阿田要接刘雅丽和郑秀文棒演活“Ling”这个角色，她坦言都有少少压力：“我净系睇过个剧本，都知有电影版，但我反而专登唔想去睇（电影），因为我都惊我自己会有比较，所以我想以最轻松嘅状态用我嘅感觉去演呢个角色。”
刘雅丽演出的版本堪称经典，再加上郑秀文凭电影夺《中美电影节》最佳女主角，又提名“金像奖”影后，但阿田坦言不怕外界拿来与两位演员作比较：“观众去睇一套戏去作出比较都系一件好事嚟，但系喺我嘅角度嚟讲，唔同演员演绎一个角色都会有唔同嘅角度，就好似画家画同一幅画都会有唔同嘅感觉一样。”
田蕊妮表示自从老公杜汶泽建立网上传媒平台后，自己亦开始转型退居做幕后：“我都系做开演员演好个角色、谂下造型，甚至乎连谂造型都唔需要，但系当你要做监制或谂节目，要点样Deliver（传递）𠮶条桥出嚟呢？同埋要点样同同事相处，对于我嚟讲，所有嘢都系新嘅尝试！我觉得都几有趣，真系活到老学到老！”她坦言自己不怕遇到困难，但适当的时候都会向老公寻求帮助：“我哋面对事情嘅处理方法都有自己嘅特色，但系遇着一啲好困难嘅事情都会问佢。我觉得同演戏一样，你可能有一啲困难嘅经历，就会慢慢行到一条自己嘅路，每一样新嘅嘢，你都要尽量去尝试做，中间可能会有一啲体会，又系一件新鲜嘅事。”
阿田笑言虽然暂时未能实践出国读演戏的愿望，但自己亦暂时未有离开香港发展或移民的打算：“我谂对于依家嘅人嚟讲，计划系一件好奢侈嘅事情，我觉得最紧要就系行好今时今日呢一步先啦！”
点击观看更多现场精彩照片：