山河令｜豆瓣评分屡创新高　香港老戏骨梁家仁惊喜客串

内地剧集《山河令》上月底开播，虽然属于低成本制作，但估唔到喺豆瓣评分有8.6之高，胜过《陈情令》嘅7.7分，成为目前“双男主陆剧”最高评价的一部，而两位小鲜肉男主角张哲瀚、龚俊人气更直逼一线艺人。

《山河令》故事内容围绕2位男主角浪迹天涯，后卷入江湖斗争，两位男主角不时口花花亘撩，加埋肢体接触，为观众带来不少惊喜。不过，更惊喜嘅系剧中原来有两位久未在香港露面嘅老戏骨：梁家仁同徐少强。两位在首集已经出场，徐少强饰演毕长风，因要脱离组织“天窗”，而被执行七窍三秋钉嘅惩罚；至于梁家仁所饰演嘅无名侍卫，虽然加埋对白唔够十句，但形神俱备，同当年喺《天龙八部》扮演嘅乔峰一样咁大侠。

72岁嘅梁家仁，早年参演不少TVB剧集，当中包括《孖仔孖心肝》、《卡拉屋企》、《阖府统请》，而电影方面，喺《唐伯虎点秋香》中对住周星驰嘅一句“你就系华府嘅低等下人，9527系你终身代号！”更系令人记忆犹新。唯近年梁家仁转战内地，加上大多时间弄孙为乐，所以甚少在香港看到他的演出。

点击下图睇老戏骨发挥

至于70年代演过不少大侠角色嘅徐少强，自04年前再娶比他年轻30年嘅内地舞蹈员后，事业重心已转移内地，与雪梨所有嘅一对仔女只系靠电话维系感情。早年曾有消息指徐少强背住太太搭上内地艳星罗云琦，但事后徐少强即跟对方划清界线。徐少强虽已年届70，但剧中饰演毕长风嘅佢，英气大足，大侠味不减当年。