【美选D.n.A.】张沛乐压力大瞓唔好　邓月平讲嘢差惊口窒窒

ViuTV举办的《美选D.n.A.》下星期将会进入决赛，而评判兼主持的方力申(小方)、火火、郭伟亮联同丁子高、刘美君及八位佳丽今日在铜锣湾举行记者会。小方表示决赛时各佳丽会有才艺表演，“她们会表演返自己的弱项，都不断地练习紧，而到时决赛会系直播，她们的压力都好大。（咁你呢？）我负责背稿咋。”

两位大热张沛乐（沙律）及邓月平（Larine）都表示准备决赛都好大压力。沙律话：“我心情都好沉重，晚晚都瞓得唔好，系有种心力交瘁嘅感觉，不过好多谢评判将我由死亡边缘咁拉返来，拣我入八强。”沙律到时会表演曾经失手的魔术，“如果有得拣，我都想唱歌跳舞，但评判想我喺边度跌到就边度企返起身，要系一个月内练好，我自己都好惊。”讲到万一失手，沙律就话：“都只好怪自己啰...”

至于战斗力惊人的邓月平就话到时会表演演讲，“工作人员觉得我系咁多佳丽入面讲嘢讲得最差，成日飞咗上太空，又笨笨哋咁，所以想我克服下。（咁惊唔惊到时口窒？）都惊㗎，始终要讲内心嘢，要放低好多嘢。”选美未完，邓月平就已经有戏拍，又会唔会觉得万一输咗选美，都不会影响心情，皆因有大把机会？她说：“我参加选美，都无谂过可以stay到最后，而家入到八强，点都想争到个冠军返来。”