专访｜张达伦挨足八年先做到“严谨”：最高峰时候争落十几万卡数

张达伦最近曝光率极高，在《大步走》和《失忆二十四小时》都有他的演出，而且戏份都不少，他现在也正在为《白色强人2》拍摄，工作源源不绝，很难想像其实他在两年前已离巢TVB不做“亲生仔”，改为签下杜Sir旗下的娱乐公司，想向电影方面发展，却不巧的碰上疫情，电影市道淡静，幸好与TVB一直关系良好，依然剧接剧无停手。

回想起，达伦已入行20年，加入TVB前以模特儿为职，04年艺训班毕业后正式加入无线，不过头八年都是可有可无般的存在，“男朋友”、“手下”、“杀人犯”等等都是监制第一时间想起的角色，幸好2012年一套《爱·回家》成功把他救起，“严谨”之名从此成为了他的烙印。

患难见真情

“严谨”的确为他带来极大的转变，除了升LV做配角，连带银包也是猪笼入水，他也承认当年与杨卓娜的CP档为他带来不少商机，不过却没有因此成为大花筒，事关经历了八年非一般的生活后，他清清楚楚知道演员这行好景不是必然的。其实当年真的很惨吗？“有钱开饭嘅，睇你食乜，公仔面又一餐，有时朋友见我穷会话：‘出嚟一齐食饭喇，唔使讲咁多嘢’，好多谢我阿哥，除咗我父母冇畀压力我之外，喺我最冇钱𠮶阵，最高峰嘅时候争落十几万卡数，阿哥会畀钱我使，食饭就唔使讲喇，佢会帮我。如果冇呢个时间，就冇而家嘅我，对金钱观念𠮶个思想，又冇我同阿哥𠮶种兄弟情，所以每一样嘢都有得与失嘅。”

后悔入错行？

很多人经历挫败后，第一时间都是后悔，达伦也不例外：“长期谂喇，好睇唔好食，要有呢个心理准备，其实入行都预咗，不过冇谂过咁多年哈哈。”他一直问自己“情况到底是怎样？”、“我到底行不行？”，达伦心里藏着很多疑问，维持了很多年，加上自己不是大富之家，需要养家，就会想自己是否入错行，又或是不是自己实力不足，令到机会不降临自己身上，但直至遇到“严谨”这个角色，开始慢慢建立信心。

靠“严谨”建立自信

“严谨帮我打稳咗个基础，以前系浮嚟浮去，好无自信，但严谨之后我知道自己OK，有咁嘅实力企喺度，我哋都知道拍完处境剧出嚟之后唔代表系啲乜，所以要求唔会好高，每次角色都尽力做好佢，我唔觉得自己系跌返落嚟，不过观众觉得之前系其中一个男主角，出到嚟就会系男主角，但唔系咁，我心入面好清楚，我会继续去打拼。”

明明在TVB已经是当头起，两年前又突然离开公司，加上当时囝囝“劲揪鸡”已出世，负担、压力都不轻，这个决定外人来看的确想不透。“都几大胆，我记得我咁样选择之后，阿廉（曹永廉）问过我，佢都觉得我好大胆，但喺𠮶刻我系想试多啲嘢，差唔多40岁，我再唔去试就冇勇气，我宁愿稳稳阵阵，做吓最重嘅配角、男二，我可能会咁谂，但而家我觉得我要试多啲。我同老婆有共识，知道最差嘅情况系点样，又咁讲，我喺TVB都经历咗最难挨嘅时候好多年，我唔惊，最惊系冇机会，你只要畀到机会我，我就有信心畀到实力人睇。

发型：Wiltam@INDULGENCE SALON

服装：Mr P by MR PORTER

埸地：The Wave