【野外步出】邝洁楹曾恋上黑人　祟拜对方技能：佢流住Rapper嘅血

邝洁楹早前应方绍聪邀请，担任节目《野外步出》嘉宾，节目中攀山涉水兼首度玩滑翔伞，Judy外形娇滴滴但原来胆生毛，体重过轻一打开滑翔伞唔使助跑已经飞上天都无有怕，佢仲喺节目中大方分享往日情史，原来佢高中时有个男友系黑人﹗

正在蜜运中嘅Judy分享09年远赴美国求学，喺西雅图大学毕业后回流香港发展。喺美国读高中时曾恋上一位黑人Rapper：“我唔同时期钟意嘅嘢都唔同，记得高中时身边好多黑人同学，就钟意咗识Rap嘅人，当时嘅对象喺Rap方面非常有天分，方绍聪听到我呢段往事好有兴趣，仲即刻表演咗一段Rap，仲加埋啲Beatbox，但我完全冇Feel啰！因为实在同我当时嘅男性朋友水平差太远，佢直头流住Rapper嘅血咁，好有天分！可想而知我当时系钟意音乐才子型，哈哈！”