吴孟达逝世︱艺训班与周润发同届　遗憾未当主角︰想拍套自传电影

纵横影坛48年嘅吴孟达2月27日因肝癌逝世，终年70岁。吴孟达1953年于福建厦门出生，7岁随父母移居香港，自言从小对表演有兴趣，1973年投考TVB第三期艺员训练班入行，当年同班嘅仲有周润发、林岭东、卢海鹏等，当年达哥更以第五名好成绩毕业。

吴孟达开工突感心脏不适　痛苦掩心口唔肯休息：歇十分钟没有用的

1974年吴孟达正式参与剧集拍摄，最早演出系《民间传奇》系列；直至1979年凭《楚留香传奇》“胡铁花”一角，开始受到注意。80年代达哥喺TVB产量相当高，最高峰试过一年拍7套剧集。当中1989年嘅《盖世豪侠》和《他来自江湖》最深入民心。由1975年至1992年，吴孟达喺TVB拍摄超过半百剧集，其后转往电影界发展。

周星驰吴孟达TVB台庆呻倾续约难：做唔够Show仲要加人工丧尽天良

大半生喺影视圈打拼，达哥都系配角，永远嘅三叔、黑仔达，亦系传闻中片酬最贵嘅配角，甚至比主角更高薪。然而万年配角都有想做主角嘅一日，达哥曾喺接受访问时话：“有了配角的帮助，主角才会演得好。希望拍一部自传电影，直接取名《吴孟达》。”话希望同佢合作过嘅大明星好似有田启文、黄一飞、林子聪，周星驰刘德华等都可以参演一角。可惜最终达哥未能如缘开拍呢套戏就离世。