【李润庭认错．有片】太太选择离婚 冇再同小三联络：我冇选择权
《东张西望》主持李润庭，被杂志拍得背住结婚5年的太太，同小三Tiffany偷食，今日他在无线记者室招开记者会就事件道歉。他说：
“首先我呢到就想同所有今次受影响嘅人，我屋企人啦，我太太啦，讲声对唔住嘅，系呢件事里面系完完全全我一个人嘅错，所以我觉得我应该行出嚟，然之后一力去承担，因为呢个纯粹我一个人嘅错，所以我系呢到我郑重同我屋企人，所有受影响嘅人嚟到致歉。”道歉完毕，竟然罕有地有记者答问环节，李润庭亦有问必答，不过对于同小三的感情细节就不欲多说，怕被传媒炒作，而李太的态度是暂时选择离婚。节录部份问答环节。
Q：公司有什么处分？
李：我暂时唔知公司有咩决定，但如果公司有任何决定，都欣然接受。
Q：事件曝光后有否同太太联络？
李：曝光后有联络嘅。（太太表示？）当然系伤心同失望，咁所以系呢刻，我系应该要承担返呢个责任。
Q：跟第三者有继续络吗？
李：依家处于一个冷静期，唔应该再去联络啦，呢件事带来个铺天盖地嘅coverage，其实冇谂到，圈中人都未必支持到，何况系圈外人呢？呢个时候系需要空间同时间去沉淀下自己嘅情绪。
Q：你同第三者是想结束还是……？
李：冷静期……咁当然系结束啦。
Q：有报道指太太一直知小三的存在？
李：𠮶个系言语上的误会，一早嘅意思系报道出之前，而唔系好耐之前。
Q：跟太太现时的关系？
李：𠵱家呢一刻，我绝对尊重我太太Crystal嘅决定，佢可以选择离婚，或者系选择系咪一齐，因为呢件事错嘅就只有我一个，亦都唔到我去拣，选择权喺佢手上，佢呢刻选择离婚，（你接受？）我冇选择权。（现在你们住在同一间屋，分房瞓？）系。
李润庭似乎并不想放弃跟小三Tiffany关系，因为他最初表示是冷静期，之后先改口说结束，但跟太太的关系似乎已没有转弯余地。而《东张西望》主持及其他工作，他将会暂停，直到另行通知。