何嘉莉廿多年后翻唱《两种人》　MV玩BL：爱系冇分种族界限

相隔二十多年何嘉莉（Lillian）日前重新演绎自己嘅经典歌曲《两种人》，九年后再踏进录音室，Lillian透露这次翻唱契机系同疫情有关：“主要系想做自己最喜欢嘅事，一直分咗大部份时间俾小朋友，见到佢哋成长，每个小朋友都有梦想，令我想起我嘅梦想究竟系咩？几时放弃咗？今年嘅疫情令我明白世事唔系样样都可以计划，不如而家立刻实行自己最钟意做嘅事，更加份外珍惜。”

翻唱经典作品Lillian坦言并不容易，因为以往演绎时，整体感觉少女味重，自己及监制舒文都希望以一个新的方式、更成熟方式演绎：“好容易将以前嘅感情摆咗落去。而今次嘅全新编曲加咗电子、摇滚元素，出嚟个感觉、效果都好满意。”Lillian又自爆录音时超紧张，需要饮酒放松：“因为我系一个紧张大师，希望有啲方法令自己放松，所以今次录音嘅时候我都有准备咗啲红酒，哈哈。”除此之外，佢亦坦言这次很开心和音部份都系自己主理：“以前全部和音都系人哋唱，今次终于有机会可以唱番自己嘅和音，觉得好好玩。其实唱和音都有另外一个难度，因为唱惯咗平时嘅melody，唱和音系完全另外一样嘢，但真系好好玩，好钟意。”

至于MV故事加入BL题材，Lillian就话导演庄少荣idea：“我听到嘅时候好surprise，但好钟意，因为呢个题材好真实，好贴近呢个新世代嘅爱情世界、爱情观，爱系冇分种族、界限。我而家呢个status再演绎《两》，已经成熟咗好多，人生又经历咗好多唔同嘅嘢，所以用呢个题材去演绎好有新鲜感。”Lillian认为勇敢追寻自己喜欢嘅嘢，先对得住自己人生，爱情亦然。