王君馨MV床战林德信老公唔呷醋 爆男主角本来另有其人：佢怕丑
撰文： 陈芷颖
出版：更新：
郭晋安、谭俊彦、王君馨（Grace），汤洛雯（靓汤）今日（10/2）现身将军澳电视城出席剧集《失忆24小时》记招，Grace在剧中饰演谭俊彦的太太及后更失踪，她直言整个拍摄过程开心又好玩：“我嘅出现永现都喺人记忆中，或者想像中出现，拍到好疯癫，但好开心。”
Grace早前推出新歌《尖叫》更在MV中有超性感演出，她说歌曲是《Casada》的延续篇并希望传递健康讯息：“《Casada》讲渴望结婚，《尖叫》系婚姻后嘅生活。点解我哋见到偶像先尖叫，有冇谂过老公可以为我哋尖叫？尺度呢，佢系9点半嘅剧，Show出嚟嘅讯息系健康。希望女仔结婚后都会打扮自己，揾到自己最靓、最自信，最性感一面。”
Grace更与林德信（Alex）上演火辣床戏，她指老公没有呷醋因为MV男主角是他们共同挑选出来：“林德信系我同佢一齐拣，本身系老公做男主角，咁身体接触就唔紧张，但佢怕丑。不过我哋都拣得几好，Alex又鬼鬼哋、怕怕丑丑，佢做瑜伽会Flexible啲，跳舞𠮶Part就易谂啲。老公第一次睇完MV问‘点解你同Alex𠮶度咁少？’佢最钟意反而系我同Alex𠮶Part。”
至于私下与老公是否比MV更大胆，Grace坦言夫妇间必定会比MV更激烈：“结咗婚嘅夫妇都会大胆过我MV，大家嘅情趣都会有好多唔同方式，希望呢首歌可以祝福夫妻，结咗婚一段时间点样去再燃烧𠮶团火。”情人节将至，Grace指要在工作中度过，晚上则会与老公吃饭庆祝：“啱啱收到又要嚟宣传，夜晚Sweet啲一齐食饭。”
点撃睇更多王君馨活动照片及MV性感演出：
+8
+35