罗子溢赶返港陪囡囡过年　大爆杨茜尧归心似箭：佢每日拍15个钟头

罗子溢（前名罗仲谦）近日在内地完成新剧《家族荣耀》的拍摄工作后，即时赶返香港陪囡囡一起过农历新年，日前他上由郑裕玲（Do姐）主持的电台节目《口水多过浪花》接受访问时，Do姐都直言仍然不习惯叫他子溢，不过他就笑言改名是为了囡囡：“因为本身我哋想揾个师傅帮个女改名，改咗个名我哋好钟意，叫翊心，但系师傅就话如果你哋一家三口改埋就会对个女更加好。咁我哋谂一谂，因为我哋都有咁嘅负担。其实最紧要系个女，因为我同老婆都倾过，个名咪当个女送畀我哋啰，我觉得呢个缘分嚟嘅。我哋个心态就冇所谓嘅，叫谦谦又好，叫杨怡又好，都冇所谓。”

据知罗子溢与太太杨茜尧（前名杨怡）今次是以天价8位数字接拍由金牌监制梁家树制作的剧集《家族荣耀》，两人不但以夫妻档上阵，更是杨茜尧产后首度复出拍剧，所以他们唯有暂时同囡囡阔别一段时间，但两公婆在开工两个几月期间都非常挂念宝贝女：“太太就之前同我一齐拍嘢啦，咁我谂而家都会再唞耐啲。因为佢喺个（拍摄）过程入面太挂住个女，佢每日都好辛苦，譬如我哋一日拍12个钟头，佢就算拍14、15个钟头都话唔紧要，快啲完咗佢，早一日返香港早一日开心。”

两人在内地拍摄期间，由家人照顾囡囡，更会每日Facetime：“我老婆叫我外母一定要Send每日嘅便便畀我睇，跟住我外母话部电话一打开，全部便便，佢要检查啲便便健唔健康，妈咪系咁㗎。”如今一家三口终于团聚，但囡囡竟然不认得爸爸妈妈：“我有拍低嘅，我老婆一入房门嘅反应，同埋BB个反应系呆咗，‘乜水呀呢两个？’但系妈咪就快啲去……知道，因为妈咪陪咗佢好耐，妈咪浸味佢好快熟悉。（会唔会添多个？）随缘啦，因为本身翊心出世都系个缘分，我哋本身Plan好点样生BB反而系唔成功，反而系放松心情，大家不如唔好谂呢件事，反而得咗㖞。”

罗子溢透露现时会做全职爸爸，多多陪伴囡囡：“其实我啱啱拍完嘢，咁我觉得应该预返少少时间畀个女。跟住可能过多两三个月又开工，有可能又要去第二度工作。（嚟紧会唔会Focus返香港工作？）其实我谂未必会，一半一半啦，两头走。因为始终我觉得香港艺人嘅机会愈嚟愈少，所以争取唔好话大陆呀，其实东南亚边度都应该去试一试，都要争取，因为而家竞争好大。”看来罗子溢即使要同家人分隔两地，都要多多争取不同的工作机会，努力赚奶粉钱！

点击下图睇更多温馨照：

同场加映：吴若希开新IG大晒囝囝可爱照　盘点10位星二代人气超高成BB界KOL