乐易玲预告曾志伟大年初一见大家：佢会派利市!

邵氏兄弟控股有限公司执行董事乐易玲（乐小姐）今日（9/2）现身电视城出席myTVsuper《师父有请》记者会。提到今早有指Tvb副总理曾志伟同无线行政总裁李宝安分别先后脚入电视城返工开大会，乐小姐表示：“其实志伟佢㖊日已经返咗嚟，仲要系佢第一次参与开会，而佢有好嘅idea，佢都会提出，咁所以佢全日都喺度开会，仲开会开到好夜。”

另外讲到有网民猜测曾志伟回巢无线，是透过乐小姐背后发功促成今次成果。乐小姐表笑言：“边有咁流传呀？我未见过㖞。你系咪吓我呀！如果我发功佢要签返艺员合约就得，哈哈！但系佢几年都冇签我哋喇。但今次我真系唔敢签返志伟做艺人，因为佢已经系我哋嘅高层嚟。不过嚟紧初一佢会同大家见面，到时佢会派利市畀你哋，到时你哋可以直接问佢攞第一手资料。”