专访｜无悔离巢转行做顾问 梅小惠：生疏感令我觉得要停
退居幕后多年的梅小惠，去年底为其监制节目《双祥见》而再次出现大众眼前，甚至因而有了这次的访问。“因为家姐（梅小青）退休，所以我先有得做，哈哈！同埋我幕后有好多智囊团、家姐亦俾我好多意见，无佢哋我未必够胆做。”家中有位金牌监制，梅小惠当然不会放过大好机会，完成剪接后，第一时间将成品呈上。“佢问我剪咗几多次，我话40左右，佢话自己以前一分钟嘅片，剪5、60次都系咁，我一集18分钟剪40次算少，佢话最紧要系剪到自己想要嘅嘢。”
淡出娱乐圈后，梅小惠成立了品牌顾问公司，收入与无线时期有一定差距，但她从未为此感到后悔。“04年左右好多艺人离巢后去做公关，当时我开始谂，如果可以善用自己喺无线 20年所学嘅嘢，令我就算离开都可以继续生存，其实都唔错。咁啱志伟揾我帮手搞慈善基金，因而接触好多客户、品牌，就系咁开始marketing工作。”
专访｜梅小惠TVB年代狂虾碌 细数踩屎杰作：次次都有何丽全见证
当年为了提升能力，梅小惠拉著助手一齐去学电脑、学presentation，由于当时与无线仍有合约在身，所以学习之余亦继续担任大骚主持。“平时主持大骚，出场前5分钟会好惊，但我记得自己最后一个骚，开场好耐都仲系惊，原因系啲稿未背熟，好怕讲错嘢。𠮶种生疏感令我觉得系时候停，所以09年之后真真正正退出。”决定退出，连家姐梅小青都曾经为此感到可惜，但梅小惠认为要懂得取舍。“大家睇唔到我退步，但自己感受到，同埋当时都有谂继续做艺人的话，20年后可能仲会有人钟意，但比起顾问嘅机会或者系客户嘅信任，我认为后者较难得。”
虽然一心想做女强人，但或许是傻大姐形象太深入民心，令梅小惠花了不少时间“洗底”，她说：“有次我喺《奖门人》被拨cream，我翌日去见客户时，对方第一句就问我啲cream有无入耳，我就知道呢个presentation唔可以太正经。我觉得比人知道我其实可以认真、用心系难，亦需要较多时间。喺无线有家姐睇住易行啲，自己出嚟就咩都难，所以𠮶时系辛苦，但亦push自己做得更好。”梅小惠的客户多数是朋友介绍，对自己的能力有一定了解，省去不少麻烦。
顾问一职，梅小惠视为一份工，虽说能够将品牌成功推广应该颇有满足感，但远不及路人一句“我细细个已经睇你”，她说：“到今时今日仲可以噏出我个名，呢个系自己build up出嚟嘅成就，大家觉得我有亲切感，我就真系要维持呢个态度，当然我会为五斗米而折腰，但折腰时可以唔好乌太低，可以有自己嘅态度。做顾问，我只不过系团队嘅leader，成就系需于好多人，但艺人嘅成就系自己。”
化妆：江中平化妆室
发型：Victor Liang by St. Private i Salon
场地：鹰金库夹万贵宾室