刘佩玥澄清陈滢无新欢：食餐饭唔代表一齐
撰文： 郭敏玲
出版：更新：
刘佩玥（阿Moon）今日出席手袋品牌活动。自TVB宣布台庆颁奖礼提名名单后，阿Moon随即成为“飞跃进步女艺员奖”大热，她坦言自己没想过，“其实好开心，大家觉得我有进步，而且有机会入围，已经好开心，希望大家继续提点，之后会继续畀心机。”阿Moon讲到未来除了拍戏，还会上声乐课，系咪未来仲会出碟做歌手？“有机会都想试下，但点都想打定个底，始终呢方面都想力臻完美，话晒唱歌会唱live，都想学好啲，畀到大家一个交代都好嘛。”
至于网民最近举行投票选最钟意组合，分别是“《一屋老友记》刘佩玥与张彦博 VS 《城寨英雄》刘佩玥与伍允龙”，阿Moon听后表示：“点解冇我系《僵》同关礼杰个pair嘅？”，同香香喺《实习天使》都唔错呀！”她知道大多年青人都比较喜欢投票𠮶两pair，睇得开心就好。提起香香，就讲到最近圈中好事多，阿Moon话：“好戥香香、Grace（王君韾）同雪雪（孙慧雪）开心呀！可能今年脚头好，我之后都应该会去雪雪个婚礼，我同佢真系好好朋友，都想见证呢个开心时刻。”
而好姊妹陈滢最近被指有新欢，阿Moon随即替对方澄清，“都系假㗎！其实边有咁多男朋友呀，只系食个饭就系一齐，咁都几忙下。”阿Moon都认识男方William，表示他是陈滢在加拿大认识的朋友，又称，“依家大家都会起底，但其实唔关陈滢事，咁样会令佢同朋友都有好大压力。”