魏浚笙Jeffrey人气急升　完全唔怕女友呷醋：同女主角锡都冇所谓

ViuTV特别拍摄《胶战新春SP》让一班《胶战》粉丝过过瘾，节目主持之一的魏浚笙（Jeffrey）凭零死角的靓仔外表吸引一大班粉丝，他在接受《香港01》访问时谦虚的说：“都系靠Edan（吕爵安），阿哥而家好红，咁啱可以同佢拍《胶战》，十分之开心。”Jeffrey靓仔外表下，原来也相当有综艺感，被问到是否抛开了偶像包袱，他笑言：“冇啊，其实不嬲都冇乜！”他指因为平时做Model常常要Keep住Cool样，但其实自己真的没有“偶包”。

Jeffrey近来成为广告商的宠儿，他表示好开心，至于收入方面有没有大增？他说：“OK啊，起码我觉得喺而家呢个咁艰难嘅时候都系生活到，都好开心。”原来Jeffrey的偶像是被称为“The Rock”的Dwayne Johnson，他很佩服对方可以练到一身肌肉，而且为人不忘本，言下之意，他又会否以对方为目标地操肌呢？他笑言：“练大只呢家嘢我就十分之想嘅，但系而家唔会住，因为暂时未需要除衫住，所以我都觉得未需要大只住。”他又自嘲自己本身肥，所以着起衫做Model，看上去也是“大大旧”，可以充撑到场面。

Jeffrey早前在节目《调教你男友》公开过跟女友Evelyn的恋情，在IG上也不乏放闪照，虽然他愈来愈多女粉丝，但他也不怕女友会“呷醋”，他说︰“唔会，因为女朋友完全唔介意，佢觉得我系要锡Fans啦，同埋要专业啦，咁OK嘅，所以女朋友不嬲唔系𠮶啲介意𠮶啲嚟。”

不过如访问这天，Evelyn也有到场“监场”，Jeffrey就否认是“监场”，他表示：“女朋友系助手嚟嘅，因为佢要帮我处理晒我嘅大小事务啊，例如帮我覆Job啊，帮我做Quotation、剪片、拍摄，背后全部都系佢，所以佢系好辛苦，有时化妆、补妆都系佢，所以其实佢系嚟帮补我做得更好。（如果有时同其他女演员拍亲密啲戏份佢OK？）之前拍咗个MV，同女主角锡都冇乜所谓，真系冇乜所谓。”

点击观看更多Jeffrey在《胶战》玩游戏的片段：

点击观看更多Jeffrey早前接受专访时的靓仔相：