麦玲玲教路戴“金”催人气　一头金发苏皓儿：旧年先开始睇风水

麦玲玲同苏皓儿（Chloe）今日（28/1）现身将军澳出席《新春市限定店》活动。讲到Chloe来年桃花运，麦玲玲表示：“桃花方面系有，但就唔系好正式，本身佢嘅命桃花都旺。其实佢本身系唔适宜做好热门嘅嘢，做一啲偏锋嘢就容易出位。（Chloe有冇机会攞奖？）佢而家有几套出紧，希望佢突围而出。”

对于麦玲玲未有直接回应得奖与否，Chloe坦言未有想太多：“其实自己都想储多啲作品先，咁如果有就当然好啦！风水命理自己本身都信，喺旧年嘅时候先开始睇风水，而玲玲师傅就话我欠‘金’，咁我就戴多啲金饰，而且近来我又带咗啲水晶，都希望催旺人缘同事业。”