陀枪师姐2021｜萧徽勇演技大爆发　唔搲捞转做带货：又唔系力捧

无线剧集《陀枪师姐2021》今晚（28/01）播至第四集，陈豪（饰蒙汉森）、宣萱（饰黛安娜）和滕丽名（饰陈三元）相遇后正式翻查悬案，第一单案件就是十年前许绍雄（饰韦展超）负责的女童失踪案。今集可算是萧徽勇（Gordon哥哥）的荧幕代表作，尤其是富有层次的喊戏，感染比陈豪的“走音英文”更令人印象深刻，更抢镜！

萧徽勇接受《香港01》访问时，自言幸好有《十八年后的终极告白》饰演“鬼仔强”，才能够掌握角色的神韵：“唔算难，始终有演鬼仔强嘅经验，所以我会觉得温生系鬼仔强2.0，单元角色嘅难度在于篇幅有限, 冇时间俾你慢慢铺排个角色性格，所以每一场戏，甚至每一个反应都要好精准，拍摄过程通常都唔会系顺序拍，所以都算系考牌之作！”

他又表示，这次演出的难度不在于“喊唔喊得出”，而是“有冇层次”：“忆女成狂，伤心嘅程度，内疚，后悔，角色个内心好复杂。我已经唔系新人，所以唔能够只为求交功课，一般人嘅演法可能会后面再癫啲，但系我通常会反其道而行，如果观众翻睇，就会睇到我嘅铺排。我只系觉得喊到流口水鼻涕并不是代表好戏，个心流泪先系至高境界，我谂而家嘅观众识睇嘅。”

入行20多年，其实萧徽勇一直都被观众认为是实力派演员，近年《降魔的2.0》的“黄志龙”或是《十八年后的终极告白》的“鬼仔强”都有突出表现，尤其是今次饰演的“温生”更显出了他演技上的用心。他说：“差唔多场场戏都喊，而且全部都系真眼泪，花园有两场重点喊戏，因为喊到甩con焗住take多次，对con仲要黐住喺块面度，又因为我唔系揿掣就喊得出，所以我就索性‘盲’照做。”

问及萧徽勇的近况，他表示近来配音组的工作则暂停了：“由头到尾同配音组嘅关系都只系借用型式，而家只系配音组暂时唔需要我帮手。”而他现正在做带货直播以及手机游戏和网上广告配音工作。他说：“而家冇剧喺手，未知十八年后2.0有冇我份，随缘啦。”问他为什么不找监制“搲捞”？他直言：“又唔系力捧就唔需要强求啦，我同监制全部都好熟，但从来都唔需要搲，有麝自然香。”带货直播收入好吗？他笑言：“好一餐唔好又一餐，好死啫，不过我带货主要都系食品，所以一定唔会饿死，哈哈！讲真演戏只系为兴趣，配音先系我正职，所有嘢都有原因嘅，可能个天都想我跳返出幕前挂。”