李香琴出殡︱相识40载苗侨伟感不舍：从来唔会闹人亦从来无是非

李香琴于本月4日因病离世，享年88岁。25号于红磡世界殡仪馆设灵，大批曾跟琴姐合作过的艺人纷纷送上花牌及到场致意。26号早上举行大殓仪式，由黄百鸣、罗家英、阮兆辉、李龙、苗侨伟、高志森、伍永熙、卢世昌扶灵。

亲友们早早到场，三哥苗侨伟接受访问时表示：“出道已经认识琴姐，由细到大睇佢演西宫恶人深入民心，真人同角色完全相反，180度唔同，好慈祥好爱锡后辈家人，佢从来唔会闹人亦从来无是非，我地好值得学习嘅榜样。同琴姐好多回忆，除咗TVB拍剧，私底下都有约，希望佢去到天国可以同好友相聚，继续开心继续唱佢喜欢嘅粤曲。”