连诗雅遭人投诉霸占访客车位　黎诺懿：原谅佢啦，佢咁靓女！

黎诺懿今晚（23/1）现身电视城出席《慈善星辉仁济夜》筹款活动。被问到有否误泊他人车位？诺懿笑言：“特登就会，因为贪方便，即系等于我哋会偷鸡泊喺公司出面大地，因为一泊完可以即刻入厂做嘢！如果时间足够就少啲咁做。（唔怕艺人身曝光？）我哋好醒嘅，明知艺人车牌咁易认，咁紧系唔好泊死一个位啦！如果真系要偷鸡，就周围泊下啦！”

当黎诺懿得悉诗雅遭住户指控，三年来为求贪方便霸占访客车位时，诺懿大感惊讶：“佢贪方便呀？咁唔好谂啦！系咪太多访客呀？会唔会佢以为自己买咗访客车位呀？三年都系咁泊？佢都Ok㖞泊咗三年，等阵我问吓佢住边区先，不过尽可能就唔好啦！要乖乖哋，所以我都要了解件事先。讲真都系贪方便，不过算啦，大家原谅佢啦！咁靓嘅女仔。”

连诗雅遭指控霸占访客车位三年　认试过贪方便：但唔系报道所讲咁