连诗雅遭指控霸占访客车位三年　认试过贪方便：但唔系报道所讲咁

歌手连诗雅今日（23/1）被指三年来为求贪方便，弃用自己专用车位，霸泊屋苑访客停车位，有住客不值其所为，多次向管理处投诉，而管理处有时联络上连诗雅，她的回复是“唔关我事，助手泊”，将恶行推得一干二净，霸泊行为依然持续发生，令住户怨声载道。

今晚（23/1）连诗雅出席《慈善星辉仁济夜》筹款节目直播时，便就上述事件接受《香港01》访问。她说：“㖊日架车冇晒油，我就泊低架车，又赶住做嘢，于是即刻返咗屋企，忘记咗通知业管知，我泊咗部车喺访客停车位度。不过今朝已经同管业处解决咗成件事，而家冇问题。亦明白到令到其他住户有不便嘅地方，我感到十分抱歉。”

问是否有住户指控她三年来经常发生霸占访客车位？连诗雅说：“其实系有试过㗎，但唔系报道所讲嘅次数，我系承认有试过，可能真系有时好赶时间，泊低咗部车，成日都会唔记得咗，咁所以我都知自己唔啱嘅，令到其他住户好唔方便，打扰到佢哋，真系好对唔住，咁以后我会小心去处理。”对于被指回复管业处态度卸责，连诗雅直言：“我真系唔知点解会有咁嘅讲法，其实我公司系冇助手，同埋冇一个同事系有车牌嘅，咁所以每一次都系自己去处理部车嘅。”