冯盈盈被拍得同地产执行董事撑台脚：再有机会食饭，我会请佢食

前港姐冠军冯盈盈经常是非缠身成为新闻女王。最近有指绯闻男友郑衍峰未获“正印”位置，嬲爆同冯盈盈吵大获，惊动无线高层，最终冯盈盈决定斩榄走人。日前冯盈盈被爆极速密会新欢西装男撑台脚，豪叹米芝莲餐厅三千蚊午餐，二人不时互相传情有讲有笑，倾足2小时。

今晚（22/1）冯盈盈出席《big big shop感谢祭》宣传活动时，接受《香港01》访问说：“首先我要澄清我冇新欢，而撑脚系因为二人限聚令嘅关系，只能够二人同台食饭。而个位男士系朋友关系嚟，而当日我只系想问佢关于一啲投资方面嘅意见，大家先食嚟食饭，就唔好彩就俾人偷拍到。（男方请客？）下次再有机会食饭，我会请佢食，唔想俾人话我攞佢著数。（有冇揾郑衍峰呻下减压？）有咩需要呻呀？我唔觉得有㖞！我又冇咩压力需要抒发，嚟紧好多工作在手好忙要开工，所以约我食饭都唔客易㗎！”