伍咏薇直播教护肤自爆冇戴bra bra：你哋唔好咁咸湿啦！

撰文： 邝钰莹
出版：更新：
伍咏薇素颜兼真空开直播讲护肤。(影片截图)

近来唔少TVB艺人为吸引内地观众，抖音、小红书咩都玩，但伍咏薇就选择留守FB，而为谷人气，更将其私人帐户关关，转用fans page模式，兼且每两、三日就开一次直播，都算用心经营。

老公练海棠应该见到伍姑娘有走光危机，所以喺门口细细声提醒佢。（影片截图）

日前伍姑娘喺家中直播，并分享护肤心得，为了令效果更明显，素颜上阵之余，再加推洗面环节。为了可以边洗边与FANS交流，伍姑娘频频乌身，身穿V领tee嘅佢虽然内有背心打底，但都充满走光危机。说时迟那时快，老公练海棠在洗手间外只露出半个头，并轻轻叫了一声“老婆”，两公婆耳语一番后，伍姑娘才解释表示：“佢惊我走光，我好钟意走光，走光会唔会多几百万人睇？咁我又唔介意㖞。”其后她整理衣服时，又说：“系咁㗎啦，喺屋企点会戴bra bra，但尽量唔好睇我啦，你哋唔好咁咸湿啦。”整个直播过程，伍姑娘分享了不少平日用开的护肤产品，并谓有好嘢就分享，又指自己系半百岁真正中女，而日后又将会做更多不同类型的直播，叫大家记得留意。

伍咏薇话平时喺屋企都唔戴BRA，有时不用工作连头都几日唔洗。（影片截图）

点击下图睇伍咏薇护肤教学

+13