车婉婉爆老公“全条云咸街最靓仔”　初见面却吓亲：都唔啱taste

车婉婉早前在香港电台节目《守下留情》担任嘉宾分享成长时的趣事，以及和澳籍老公Jonathan的认识经过。车婉婉透露自己多年来给人爽朗、男仔头的感觉，是因为自己在哥哥和弟弟包围下长大，就算玩玩具亦只能玩自制豆袋和橡筋绳，但其实自己都曾经像普通小女孩一样拥有一颗少女心，非常之恨拥有一个Barbie公仔。

车婉婉在单亲家庭下长大，小时候与两个大7至8年的哥哥、细5年的弟弟，以及妈妈及婆婆一同住在大角咀大同新邨的单位。她坦言自己的性格较男仔头全因受到哥哥和弟弟的影响：“因为屋企冇女仔，同哥哥细佬玩，唔会学到啲娇滴滴嘅嘢，妈妈又为咗生计成日出去，所以屋企唔系太多玩具，但女仔就算你几咁爽朗，见到Barbie都会好想要！”她直到小学六年级时美国读夏令营时，与当地一个外国人邻居小孩玩才真正解恨：“我人生未见过咁多Barbie！我𠮶阵时已经10、11岁，佢得6岁定7岁，用两个箩嚟装住啲Barbie，另一个仲箩装住啲衫，仲有另一个箩装住阿Ken！去佢屋企玩可以满足我十几年来对Barbie𠮶种缺乏！”

车婉婉18岁时参加第十一届《新秀歌唱大赛》夺冠后入行，她坦言小时候很迷哥哥张国荣，曾将他的照片贴满自己的记事簿，没想到入行后竟然有机会与他拍电影《恋战冲绳》，更受到哥哥的照顾：“我好钟意佢㗎，我之后都有话畀佢听，佢好正㗎，例如我去拍嘅时候佢就会望住我话‘婉婉，我今日又做咗30下sit up！’跟住我就同佢讲‘好靓仔呀哥哥，好掂，你唔使做喇已经好fit！’”车婉婉笑言当时因为在冲绳拍戏所以大家日日都对住大家而变得很熟悉，“佢系一个好nice嘅人，𠮶时佢录咗首主题曲《没有爱》，因为当时我都系揾Alvin Leung做监制，所以佢就同我讲‘喂！Alvin同我做咗主题曲，你想唔想听呀？我第一个畀你听！’梗系想啦哥哥！我系超级fans嚟！跟住佢就拎部MD机出嚟，好开心，哈哈！”

车婉婉坦言以前睇相佬经常指自己嫁唔出，因此曾经觉得自己单身更加落得轻松，亦因为自己在单亲家庭长大对婚姻抱怀疑的目光，如果婚姻不长久，生出来的小朋友更可能成为负累：“我妈妈同我讲，虽然佢嘅婚姻非常失败，但唔好因为自己嘅背景冇父爱而去否定自己嘅人生，佢话一个女人点都要结婚生仔先会人生完整。单亲家庭系有一定缺陷，我又唔想下一代系咁样，所以当下都有犹豫，但总觉得阿妈唔会老点我！”

车婉婉和澳籍老公Jonathan现育有一子BBQ，组成幸福三人家庭，但其实车婉婉初次与老公见面时对他并无好感，当时她在晚宴后和几个朋友去兰桂坊饮酒，听到朋友指住车婉婉现时的老公说“全条云咸街最靓仔𠮶个出咗嚟！”：“我见到佢个背脊，哗！又光头又着尖头波鞋，我好唔钟意人着尖头鞋，都唔啱taste嘅，唔使拧过嚟都知唔掂啦！然后就冇理到。然后入到去饮嘢我个朋友又话‘阿车，𠮶个男仔上咗嚟呀！’我就同佢讲‘你咁钟意佢，你就去请佢饮嘢啦！’”结果却因为朋友无心插柳之下认识到对方，并觉得他份人“几可亲”，双方慢慢有好感并开始发展，拍拖3年于2013年结婚。

当年车婉婉结婚后考虑到自己年纪大，本来打算找医生帮忙接受人工受孕，却竟然成功自然怀孕：“我验咗两支验孕棒，然后行出厅同我老公讲，‘你同我即刻戒烟！’，我老公呆咗，即刻上网查吓呢个牌子检孕棒有几准！”虽然成功陀B，但因为已经42岁时高龄产妇，再加上子宫有瘤医生不建议开刀，最后于2016年痛足13小时顺产诞下8磅9安士重的儿子BBQ。

点击观看更多车婉婉的家庭照：