开心速递│Anita梁茵自爆有三个追求者：有个男仔买外卖想探我班

梁茵（Kiko)今日（15/1）现身将军澳电视城出席无线处境喜剧《爱．回家之开心速递》祝捷会。提到早前被指身穿短裙骚长腿赴会中佬陪撑台脚，疑似蜜运中。Kiko笑言：“报导出咗街之后，我都有问返𠮶朋友介唔介意？因为同我做朋友就要冒呢个风险，不过对方就话自己预咗，反而佢话会担心返我多啲。不过就冇损我哋嘅朋友关系。”

Kiko亦透露身边确实有三几个追求者，直言最怕“跟车”太贴，容易惹人反感：“试过有个男仔买晒外卖，影埋张相send畀我睇，然后话过嚟探我班，我知道之后好惊佢影响我工作，我就拒绝咗佢。（事实系𠮶个人唔系你心意对象，所以谢绝探班！）哈哈！你唔好咁啦！其实所有朋友我都好想见嘅，不过就唔想喺工作嘅时候见面，认为唔系太过恰当。”