坚离地爱坚离地｜上女仆Café攞灵感　方绍聪：一定系睇上围同对脚

无线剧集《坚离地爱坚离地》以创新科技行业为背景，讲述人与人之间的沟通，除了主角张振朗之外，剧中饰演三位“宅男”何远东、唐嘉麟以及方绍聪尤为出位，其中方绍聪饰演“Rico”更被网民激赞演得有“宅男”精髓。对此，方绍聪（奶仔）接受《香港01》访问时表示，一切归功于男主角张振朗。

方绍聪说：“呢套剧大家做得咁开心，咁奔放，真系要好多谢张振朗呢个我好敬重嘅男演员，因为佢第一次做男主角𠮶时都有气量咁话：‘你哋放尽做啦，唔好惊抢我光芒，你哋做得好，套剧先会好，我先会好。’”

剧中角色蓝本是TVB临时演员

他又透露，“谭为刚”一角的蓝本其实是来自工作上接触过的人：“我哋公司临时演员入面有好多唔同类别嘅人，我留意到当中一啲年轻人嘅动作好有趣，之后再发展，其中一个临时演员“比达”直头系蓝本，如果我呢个角色得奖，我一定会多谢佢。”

上女仆Café攞参考材料　TVB女星粉丝都要留意

除了以临时演员“比达”做角色蓝本外，方绍聪参考出席TVB活动的粉丝。他说：“虽然话以前都有睇过高登同连登，但系某一啲文化都要接触，所以我突登上去女仆Café感受下香港宅男蒲开嘅地方系点，同埋我哋去活动都有一啲Fans等啲女artists，我会观察佢哋，所以剧入面其中一句对白，我会行埋去问：‘Kiko可唔可以影张单人照。’而唔系要求影合照。”

方绍聪：我真系欣赏紧个对手

有观众形容“毒男”Rico比较似变态，他解释：“剧入面几位宅男都有唔同喜好，我个角色就系钟意日本初音一类嘅二次元女仔。我觉得睇𠮶啲就一定系睇上围同对脚，大家点解会觉得个角色变态？因为我真系好专注去欣赏紧个对手畀我嘅嘢。既然对手系一个靓女仆，咁梗系要欣赏佢，可能大家会觉得呢个欣赏太过极端，做呢个角色，一定要真心热爱相信自己嘅喜好。”

大众误解“毒男”：你唔了解佢玩紧咩

谈到扮“毒男”的要点，他就有感而发的说：“我觉得呢个世界冇‘毒男’，或者全部人都应该系毒L。你觉得佢系‘毒男’，只系你唔了解佢玩紧咩，唔识车、唔识手袋嘅人都会觉得成班玩Benz、法拉利、哈利，或者钟意手袋嘅人系‘毒男’。呢个社会标签咗玩高达玩玩具嘅人系‘毒男’，其实系错嘅，所以呢个世界系冇‘毒男’，一系就大家都系‘毒男’。”

参演过剧集中，方绍聪都有好多精彩演出：