后生仔倾吓偈｜冯盈盈否认贪慕虚荣：你只可以评论我嘅消费习惯
撰文： 邝钰莹
出版：更新：
最新一集《#后生仔倾吓偈》以“贪慕虚荣”为题，曾经被指靠绯闻男友郑衍峰搭路识有钱人嘅冯盈盈，呢集做足晒功课先录影，佢话自己查字典得知贪慕虚荣可以解释为成日想不劳而获，喺超越自己嘅能力范围之下制造虚假嘅荣华富贵嚟享乐，而综合以上情况，冯盈盈认为“如果自己辛苦工作换返来，就唔算贪慕虚荣，你只可以comment我嘅消费习惯，但如果啲钱系我，而又无犯法，咁关你咩事？”
盈盈同戴祖仪就认为艺人最经常被指系贪慕虚荣，甚至有切肤之痛感受。对于贪慕虚荣嘅特质，二位都认为系“经常话其他人贪慕虚荣”，盈盈认为艺人工作量同名气增加时，好易被认为系贪慕虚荣，感觉十分不公平，她说：“通常贪慕虚荣嘅人，只会focus喺别人拥有嘅嘢 ,例如系财富、资源。我觉得针对呢个现象,可以有句语录去解释，如果你没有自己所批评的特质，你根本唔会喺其他人身上见到呢个特质，如果唔系，你就算见到都唔会有任何批判。”即系大家口中嘅“葡萄”。
节目中，有后生仔提出经常换新款型号手机是否需于贪慕虚荣行为，使用iPhone 12嘅盈盈就激动澄清:“因为有好多人对于新出的电子产品好关注，会问我好唔好用，我索性影张相比大家睇。”之指自己之前所用嘅系iPhone 10，差不多两年无换过电话。之后她续说：“我做嘢系好纯粹想善意分享，但唔知点解大家反应系带系好多批判、标签，一定好负面，话我想炫富、扮上流。”睇嚟对于被指扮上流一事仲系好耿耿于怀。
点击睇冯盈盈正式进军YouTube界 头炮极香艳玩浸浴晒白滑长腿
+51