【美选D.n.A】邓月平入八强前已经拍戏：我同公司讲想做编剧

选美只不过是入娱乐圈的一个途径，有没有冠军其实不重要，好像ViuTv 《美选D.n.A》佳丽邓月平Larine，比赛都未完，已经做了周秀娜师妹，亦拍完郑丹瑞执导的《小男人周记3之吾家有喜》，起步已抛离其他佳丽，今日她和其余7位佳丽出席《美选D.n.A》8强记者会，不过Larine就没有想过自己入到8强，她说：“其实都冇谂过入到8强，啱啱读完书就初次接触社会，仲去到一个咁大嘅舞台，对我嚟讲就不断创新高。”对于发展比其他佳丽快，Larine亦觉得自己幸运，她说：“好多谢咁多前辈赏识，但最重要系自己keep唔keep到，自己要更加努力。不过我想做编剧，因为我本身有啲好得意嘅故仔，我有同公司讲过㗎，萧生就话下次编剧开会叫埋我㖞。”Larine事业发展不错，但她的妈妈反而担心她没有男友，她说：“我过几日就生日，阿妈话介绍靓仔俾我㖞，即系叫我相睇，佢惊我嫁唔出，成日问我同啲男演员有冇对手戏？有冇机会呀？我就当佢讲笑算。”

而同属Larine公司的陈意岚Tarah表示能够入到8强觉得自己幸运，她说：“我要喺复活赛打返入嚟，真系好辛苦，我要落水做高难度动作，争啲透唔到气㗎，入8强绝对揾命搏返嚟。”而对于Larine起步快，她亦觉得对方非常利害，她说：“其实佢得18岁，已经做到依家嘅成绩，真系唔容易，自己18岁𠮶阵都唔知做咩？我唯一优胜过佢，就系年纪喇，哈哈！”