【一索得男】苏永康唔想阿仔似梁游：“可反叛，但要识分庄闲！”

恭喜49岁的苏永康即将荣升做爸爸！前年12月与任职Alexander McQueen亚太区主席冯翠珊（Anita）结婚的苏永康，今日透过电话录音承认一索得男，太太目前怀孕约五个月。其实阿公前年结婚后已经打算全力造人，更特别向老板任贤齐（小齐）请假一年实行造人大计，不过世事嘅嘢真系好难预计：“当时我去咗杜拜、意大利、威尼斯，希望戏剧性地营造啲浪漫气氛去令到佢有啦，点知都系冇。”

阿公在浪漫气氛下造人失败，却在五个月前收到上天送给他的礼物，让他大为惊喜。而为免BB小器，阿公依照中国传统习俗，待BB三个月时才向Big Four及男人帮等身边好友报喜。他透露太太目前状态良好，但近日开始呕吐不适：“佢开头几个月佗得几舒服，但依家食完早餐就会呕，我会帮佢扫风，尽吓做老公嘅责任。”

作为高龄爸爸，苏永康不紧张就假，所以他亦有向小齐及家强等好友请教凑仔心得。问到会否想囝囝遗传其音乐细胞，阿公说：“其实我冇咩望嘅，净系一样嘢，就系唔想个仔似我，想佢似阿妈，起码好样啲！音乐同时装呢啲元素我相信佢一定会遗传到，将来佢学唔学到就睇佢啦，因为佢将来长大嘅世界都唔知系点。”

唔想多多个梁颂恒、游蕙祯：要识得分庄闲

至于对囝囝的期望，阿公希望他举止有礼：“𠮶日影到我约拉姑出嚟倾偈，系想请教佢，其实霆锋咁反叛，你点将佢教到咁有礼貌，霆锋就算系十几岁最反叛𠮶阵，佢见到所有前辈都会鞠躬。”他更谓不想囝囝将来做第二个梁颂恒或游蕙祯破坏社会安宁：“我必须要做嘅就系唔好为社会制造多一个造反嘅人，简单嚟讲我唔想生一个梁天（颂）恒，我唔想生一个游蕙祯。我要佢识得分庄、闲，你可以反叛，但唔可以做一啲背祖忘宗、分裂国家嘅事，绝对不能，如果佢做出呢啲事，我系会亲手惩戒佢。”