影帝张家辉大爆14岁女儿当街畀男仔撩劲火滚：有冇搞错呀！

影帝张家辉今日（8/1）现身鲗鱼涌出席保险公司微电影传媒首映礼。家辉透露疫情期间，经常带同太太及女儿一起行山做运动，彼此间感情有增无减，尤其同女儿更似朋友关系，无所不谈。家辉就大爆女儿当街畀仔撩劲不满：“佢都有同我讲，佢有时同啲朋友去街嘅时候，有男仔走埋去识佢。佢咁细个竟然有男仔走埋去，我听到就觉得有冇搞错呀！（你以前都可能系咁！）哈哈！系！我以前系有咁样对人，我唔知而家𠮶女会面对呢啲局面嘛！不过最后我都同佢讲唔好同陌生人倾偈。”