林盛斌分享独门吸金大法 一段说话成功拓展业务：奇怪事慢慢发生
疫情肆虐全球，各行各业大受打击，艺人的收入亦因而大大减少。不过对林盛斌（Bob）来说影响未算很大，全因他有独门的“吸金大法”。继早前的“长银包旺财运法”后，今日（8/1）Bob又在IG分享另一致富之道，全靠一段说话令他在疫情期间多了不同渠道的收入，之不过信不信由你。
Bob提到早前跟大家分享每朝都会说的话后，收到不少人留言直指方法有效，于是他决定再分享另一段说话，甚至将这段说话贴在墙上日日望，而奇怪的事情亦逐步逐步慢慢发生：“上次分享咗我每朝起身都会同自己讲嘅嘢：‘今日，将会系好美好嘅一日，会有好多好好嘅事发生喺我身上！’之后收到唔少留言同PM话试咗一段时间，发觉好似真系有少少用，哈哈，咁就好。其实，仲有另一段我都系日日同自己讲嘅，我甚至将呢段说话写咗喺张纸上面，然后贴咗喺块挂墙版度日日望住，而奇怪嘅事亦逐步逐步慢慢发生，我开始接触到唔同范畴嘅工作机会，亦开始拓展咗唔同领域嘅生意业务。”
他续指在疫情期间，幸好有不同渠道的收入来源令他未至于“手停口停”，而阿Bob就将功劳归给一段说话：“喺过去呢大半年演艺事业接近停顿期间，好感恩正正因为多咗有唔同渠道嘅收入来源，虽然未必系好多钱，但起码不至于手停口停，而我亦好肯定呢几个途径嘅被动收入，将会随住时间而一步一步增加。系咪好想知呢段说话系咩呢？希望大家都可以抄低佢，每日都同自己讲：‘有好多好多钱，透过多个途径，以递增嘅方式，源源不断咁涌向我，我觉得好开心，好感恩！’信不信由你，反正我信了，亦一步一步努力实践中。”
最后，他亦提醒大家不要单靠一种收入去维持生活，要好好利用技能、人脉资源等等去开拓更多的收入来源：“记住，千祈唔好只靠单一收入去维持生活，呢个世界冇一份工作系绝对稳阵同安全，一定要运用你嘅知识、技能、人脉资源，去启动呢个“多途径收入来源”嘅机器！努力，加油。”
点撃睇更多Bob照片：
同场加映